ଅନନ୍ତନାଗରେ ଏନକାଉଣ୍ଟର, 2 ଆତଙ୍କୀ ନିହତ

ଦକ୍ଷିଣ କାଶ୍ମୀରର ବିଜବାହାରା ଅଞ୍ଚଳରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ । ସୁରକ୍ଷାକର୍ମୀଙ୍କ ଗୁଳିରେ 2 ଆତଙ୍କବାଦୀ ନିହତ ।

ଅନନ୍ତନାଗ: ଦକ୍ଷିଣ କାଶ୍ମୀରର ବିଜବାହାରା ଅଞ୍ଚଳରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ । ସୁରକ୍ଷାକର୍ମୀଙ୍କ ଗୁଳିରେ 2 ଆତଙ୍କବାଦୀ ନିହତ । ନିହତ ଦୁଇ ଆତଙ୍କବାଦୀ ସଫଦର ଅମିନ ଭଟ୍ଟ ଓ ବୁରାହ୍ନ ଅହମ୍ମଦ ବୋଲି ପୋଲିସ ସୁତ୍ରରୁ ପ୍ରକାଶ ।

ସୂଚନା ଅନୁଯାୟୀ, ସ୍ଥାନୀୟ ଅଞ୍ଚଳରେ ପୋଲିସ ଓ ସୁରକ୍ଷାକର୍ମୀ ମିଳିତ ଭାବେ ସର୍ଚ୍ଚ ଅପରେସନ କରୁଥିଲେ । ତେବେ ଅପରେସନ ଚାଲିଥିବାବେଳେ ଆତଙ୍କବାଦୀମାନେ ସୁରକ୍ଷାକର୍ମୀଙ୍କ ଉପରକୁ ଗୁଳିମାଡ କରିଥିଲେ । ଫଳରେ ଏହାର ଜବାବରେ ସୁରକ୍ଷାକର୍ମୀମାନେ ମଧ୍ୟ ଗୁଳିମାଡ କରିଥିଲେ ।