ହାଇଦ୍ରାବାଦ: କୋରୋନା ସନ୍ଦେହରେ ଆଉ 2 ଜଣ ହାଇଦ୍ରାବାଦ ହସ୍ପିଟାଲରେ ଭର୍ତ୍ତି। ବର୍ତ୍ତମାନ ସୁଦ୍ଧା ମୋଟ 21 ଜଣ ସହରର ଫିବର ହସ୍ପିଟାଲରେ ଭର୍ତ୍ତି ହୋଇଛନ୍ତି । ସମସ୍ତେ ଚୀନ ଫେରନ୍ତା । କୋରୋନା ସନ୍ଦେହରେ ସେମାନଙ୍କୁ ହସ୍ପିଟାଲର ଆଇସୋଲେସନ ୱାର୍ଡରେ ରଖାଯାଇ ଚିକିତ୍ସା କରାଯାଉଛି ।
ସେମାନଙ୍କ ମଧ୍ୟରୁ 19 ଜଣଙ୍କର ରକ୍ତ ନମୁନା ପରୀକ୍ଷା ପରେ ନେଗେଟିଭ ରହିଛି । ସମସ୍ତ ରକ୍ତ ନମୁନା ପୁନେକୁ ପରୀକ୍ଷା ଉଦ୍ଦେଶ୍ୟରେ ପଠାଯାଇଥିଲା । ଆଜି ଆଡମିଟ ହୋଇଥିବା ଦୁଇ ଜଣଙ୍କର ରକ୍ତ ନମୁନା ପରୀକ୍ଷା ପାଇଁ ପଠାଯାଇଛି।
ତେଲେଙ୍ଗାନା ସ୍ବାସ୍ଥ୍ୟ ବିଭାଗ ରାଜ୍ୟର ସମସ୍ତ ହସ୍ପିଟାଲକୁ କୋରୋନାକୁ ନେଇ ସତର୍କ ରହିବା ପାଇଁ ନିର୍ଦ୍ଦେଶ ଦେଇଛି । ଫିବର ହସ୍ପିଟାଲ, ଗାନ୍ଧି ଏବଂ ଚେଷ୍ଟ ହସ୍ପିଟାଲରେ ତିନୋଟି ଆଇସୋଲେସନ ୱାର୍ଡ ସମେତ 100ଶଯ୍ୟାର ବ୍ୟବସ୍ଥା କରାଯାଇଛି ।
ରକ୍ତ ନମୁନାର ଫଳ 6ରୁ 8 ଘଣ୍ଟା ଭିତରେ ଜଣାପଡିବ । ବର୍ତ୍ତମାନ ଦୁହିଁଙ୍କୁ ଆଇସୋଲେସନ ୱାର୍ଡରେ 14 ଦିନ ପାଇଁ ରଖାଯିବା ନେଇ ସୂଚନା ଦେଇଛନ୍ତି ଡାକ୍ତର ।
@ANI
