ଶ୍ରୀନଗର: ଦୀର୍ଘଦିନର ନୀରବତା ପରେ ପୁଣି ଅଶାନ୍ତ ହୋଇଛି ସୀମା । ପାକିସ୍ତାନ ସେନା ଗୁଳିରେ ଶହୀଦ ହୋଇଛନ୍ତି ଦୁଇ ଯବାନ । ଜମ୍ମୁ କାଶ୍ମୀରର ବନ୍ଦିପୋରା ଓ ରଜୌରୀ ସେକ୍ଟରସ୍ଥିତ ସୀମା ନିୟନ୍ତ୍ରଣ ରେଖାରେ ଦୁଇ ଯବାନ ଶହୀଦ ହୋଇଛନ୍ତି । ସୁନ୍ଦରବନୀ ସେକ୍ଟରର କେରି ବାଟାଲ ବେଲ୍ଟରେ ସନ୍ଦେହଜନକ ଗତିବିଧି ପ୍ରଥମେ ଠାବ କରିଥିଲା ଭାରତୀୟ ସେନା । ଅନୁପ୍ରବେଶକାରୀ ପ୍ରଥମେ ଏଠାରୁ ଭାରତୀୟ ସେନା ଉପରକୁ ଗୁଳିବର୍ଷା କରିଥିଲେ । ଏହାର ଜବାବ ଦେଇଥିଲା ଭାରତୀୟ ସେନା ।
କିନ୍ତୁ ଅନୁପ୍ରବେଶକାରୀଙ୍କୁ ସହାୟତା କରିବା ଉଦ୍ଦେଶ୍ୟରେ ପାକିସ୍ତାନ ସେନା ଅସ୍ତ୍ର ବିରତି ଉଲ୍ଲଙ୍ଘନ କରିଥିଲା । ସେହିପରି ପୁଞ୍ଚ ଜିଲ୍ଲା କ୍ରିଷ୍ଣା ଘାଟି ସେକ୍ଟରରେ ମଧ୍ୟ ଛୋଟ ଅସ୍ତ୍ରରେ ଆକ୍ରମଣ ଓ ମୋର୍ଟାର ମାଡ କରିଛି ପାକିସ୍ତାନ ସେନା ।
