କୋଲକାତା: ପଶ୍ଚିମବଙ୍ଗର ଝାରଗ୍ରାମ ଅଞ୍ଚଳରେ ଜଣେ ଟିଏମସି ନେତାଙ୍କୁ ଖୁବ ପ୍ରଶଂସା କରାଯାଉଛି। ଏଠାରେ ରହୁଥିବା ଜଣେ ବ୍ୟକ୍ତିଙ୍କର କୋରୋନା ଭାଇରସର ଲକ୍ଷଣ ଦେଖାଦେଇଥିଲା । ବହୁ ଚେଷ୍ଟା ପରେ ମଧ୍ୟ ତାଙ୍କୁ ଡାକ୍ତରଖାନା ନେବା ପାଇଁ ଆମ୍ବୁଲାନ୍ସ ଆସିନଥିଲା । ଶେଷରେ ଟିଏମସି ନେତା ଜଣକ ରୋଗୀଙ୍କୁ ବାଇକ ଯୋଗେ ଡାକ୍ତରଖାନାକୁ ନେଇ ଯାଇଥିଲେ। ଏହି ସମୟ ସେ ତାଙ୍କ ସୁରକ୍ଷା ପ୍ରତି ମଧ୍ୟ ଧ୍ୟାନ ଦେଇଥିଲେ । ସେ ପିପିଇ କିଟ୍ ପିନ୍ଧି ରୋଗୀଙ୍କୁ ବାଇକରେ ବସାଇ ଡାକ୍ତରଖାନା ନେଇଯାଇଥିଲେ ।
ଘଟଣାଟି ଗୋପିବଲ୍ଲପୁରର । ଟିଏମସି ଯୁବ ମୋର୍ଚ୍ଚାର ସଭାପତି ସତ୍ୟକାମ୍ ପଟ୍ଟନାୟକ ଦଳର କର୍ମଚାରୀଙ୍କ ଠାରୁ ଜାଣିବାକୁ ପାଇଲେ ଯେ କିଛି ଦିନ ପୂର୍ବରୁ ଗାଁକୁ ଫେରିଥିବା ଜଣେ ପ୍ରବାସୀ ଶ୍ରମିକ ଜ୍ବରରେ ପୀଡିତ ଅଛନ୍ତି । 4-5 ଦିନରୁ ତାଙ୍କର କୋରୋନା ଲକ୍ଷଣ ମଧ୍ୟ ଅନୁଭୂତ ହୋଇଥିଲା । ତେବେ ବହୁ ଚେଷ୍ଟା ସତ୍ତ୍ବେ ତାଙ୍କୁ ଆମ୍ବୁଲାନ୍ସ ମିଳିନଥିଲା ବୋଲି ପରିବାର ଲୋକେ କହିଛନ୍ତି । କୋରୋନାଙ୍କୁ ଭୟ କରି କେହି ମଧ୍ୟ ସେମାନଙ୍କୁ ସାହାଯ୍ୟ କରିବାକୁ ପ୍ରସ୍ତୁତ ନଥିଲେ। ଏହା ଶୁଣି ଟିଏମସି ନେତା ପୀଡିତଙ୍କ ପରିବାରକୁ ସାହାଯ୍ୟ କରିବାକୁ ନିଷ୍ପତ୍ତି ନେଇଥିଲେ।
ସତ୍ୟକାମ୍ ନିଜ ଖର୍ଚ୍ଚରେ ପିପିଇ କିଟ୍ କିଣି ରୋଗୀଙ୍କ ଘରେ ପହଞ୍ଚିଥିଲେ। ସେଠାରୁ ସେ ରୋଗୀଙ୍କୁ ନିଜ ବାଇକରେ ବସାଇ ଗାଁଠାରୁ ପ୍ରାୟ ତିନି କିଲୋମିଟର ଦୂରରେ ଥିବା କୋଭିଡ କେୟାର ସେଣ୍ଟରକୁ ନେଇଥିଲେ। ଡାକ୍ତର ରୋଗୀଙ୍କୁ ଦେଖି ଔଷଧ ଦେବା ପରେ ତାଙ୍କୁ ଘରକୁ ପଠାଇଥିଲେ। ତେବେ ଡାକ୍ତର ତାଙ୍କୁ ଘରେ ଅଲଗା ରହିବାକୁ କହିଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
