ନୂଆଦିଲ୍ଲୀ: ବର୍ତ୍ତମାନ ସମୟରେ ହୃଦଘାତ ବା ଷ୍ଟ୍ରୋକ ଏକ ବଡ ସମସ୍ୟା ହୋଇ ଠିଆହୋଇଛି । ଦିନ ଥିଲା ଏହା କେବଳ ବୟସ୍କ ବ୍ୟକ୍ତି ମାନଙ୍କୁ ହେଉଥିଲା । କିନ୍ତୁ ଏବେ ଏହି ରୋଗରେ ଛୋଟ ଠାରୁ ବଡ ପର୍ଯ୍ୟନ୍ତ ସମସ୍ତେ ମୃତ୍ୟୁବରଣ କରୁଛନ୍ତି । ଏହାର ଅନେକ କାରଣ ଥିବାବେଳେ ଶରୀରରେ କୋଲେଷ୍ଟ୍ରୋଲର ମାତ୍ରାରେ ବୃଦ୍ଧି ଘଟିଲେ ଏହି ରୋଗ ଦେଖାଯାଇଥାଏ ।
ନିକଟରେ କରାଯାଇଥିବା ଏକ ରିସର୍ଚ୍ଚରେ 40 ବର୍ଷରୁ ଅଧିକ ବୟସର 4 ଲକ୍ଷ ଲୋକଙ୍କୁ ସାମିଲ କରାଯାଇଥିଲା । ଦ ଲୈସେଟ ଦ୍ବାରା କରାଯାଇଥିବା ଏହି ରିସର୍ଚ୍ଚରେ କୁହାଯାଇଛି ଯେ, 45 ବର୍ଷରୁ କମ ବୟସର ଲୋକଙ୍କୁ କୋଲେଷ୍ଟ୍ରୋଲର ଉଚ୍ଚତମ ଓ ଖରାପ ସ୍ବାସ୍ଥ୍ୟ ସହ ଲିଙ୍କ ରହିଛି । 45 ବର୍ଷରୁ କମ ବୟସର ପୁରୁଷଙ୍କୁ 75 ବର୍ଷ ବୟସ ପର୍ଯ୍ୟନ୍ତ ମୋଟାପଣ ଓ ଧୁମ୍ରପାନ ଯୋଗୁଁ ହାର୍ଟ ଆଟାକ ଜନିତ ସମସ୍ୟାକୁ ବୃଦ୍ଧି କରିଥାଏ । ଏହି ଆଶଙ୍କା 29 ପ୍ରତିଶତ ପୁରୁଷଙ୍କ ରହିଥିବାଳେ ମହିଳାଙ୍କ କ୍ଷେତ୍ରରେ 16 ପ୍ରତିଶତ ଦେଖାଯାଇଥାଏ ।
ଏହି କ୍ରମରେ ରିସର୍ଚ୍ଚର ମାନେ କହିଛନ୍ତି ଯେ, ଖରାପ ଓ ହାଇ କୋଲେଷ୍ଟ୍ରୋଲ ତୁରନ୍ତ ଚିକିତ୍ସା କରିବା ଦ୍ବାରା ଏଥେରୋସ୍କୋରୋସିସରକୁ ରୋକାଯାଇ ପାରିବ । ତେଣୁ ସମୟ ପୂର୍ବରୁ ମୋଟାପଣ, କୋଲେଷ୍ଟ୍ରୋଲର ଓ କ୍ୟାଲସିୟମକୁ ନିୟନ୍ତ୍ରଣ କରାଯାଇପାରିବ । ଏହି ବିଷୟରେ ଆୟୋବା ୟୁନିଭର୍ସିଟିର ଜେନିଫର ରେବିନ୍ସ କହିଛନ୍ତି ଯେ, ଖରାପ ଓ ହାଇ କୋଲେଷ୍ଟ୍ରୋଲର ପ୍ରଭାବ ହୃଦୟ ଉପରେ ପଡିଥାଏ । ଆଉ ଏହା 10 ବର୍ଷ ଭିତରେ ଦେଖାଯାଇଥାଏ । ତେଣୁ କୋଲେଷ୍ଟ୍ରୋଲ କମ କରିବାର ଉପାୟକୁ ଆପଣାଇବାକୁ ପଡିବ । ଏଥିପାଇଁ ବ୍ୟକ୍ତିକୁ ଔଷଧ ସେବନ କରିବା ନିହାତି ଆବଶ୍ୟକ ଅଟେ ।
