ନୂଆଦିଲ୍ଲୀ: ନିର୍ଭୟାଙ୍କୁ କେବେ ମିଳିବ ନ୍ୟାୟ? କେବେ ଫାଶୀଖୁଣ୍ଟରେ ଝୁଲିବେ 4 ସୈତାନ? ସଭିଁଙ୍କ ମୁହଁରେ ଗୋଟିଏ ପ୍ରଶ୍ନ ସେମାନଙ୍କୁ ଫାଶି କେବେ ମିଳିବ । ଏପଟେ ଫାଶୀ ତାରିଖ ଘୁଞ୍ଚିବାରେ ଲାଗିଛି । ଅନ୍ୟପଟେ ଦୋଷୀ ବିନୟର ଦୟାଯାଚିକା ରାଷ୍ଟ୍ରପତି ଖାରଜ କରିବା ପରେ ତିହାଡ ଜେଲ ପ୍ରଶାସନ ଫାଶୀ ତାରିଖ ଘୋଷଣା କରିବା ପାଇଁ ଶନିବାର ପଟିଆଲା କୋର୍ଟ ସହ କଥାବାର୍ତ୍ତା ହୋଇଛନ୍ତି । ତିହାଡ ଜେଲର ଆବେଦନ ଉପରେ ଆଉ କିଛି ସମୟ ପରେ ଶୁଣାଣି କରିବେ ଦିଲ୍ଲୀ ହାଇକୋର୍ଟ ।
ନିର୍ଭୟା ଗଣଦୁଷ୍କର୍ମ ମାମଲାର ଦୋଷୀ ଅକ୍ଷୟ ଠାକୁର ରାଷ୍ଟ୍ରପତିଙ୍କ ନିକଟରେ ଦୟାଯାଚିକା ଦାଏର କରିଛି । ଏହା ପୂର୍ବରୁ ରାଷ୍ଟ୍ରପତି ଦୋଷୀ ମୁକେଶ ଓ ବିନୟର ଦୟା ଯାଚିକା ଖାରଜ କରିସାରିଛନ୍ତି । ସେହିପରି ଦୋଷୀ ବିନୟ ଶର୍ମାର ମଧ୍ୟ ଯାଚିକା ଖାରଜ କରିଦେଇଛନ୍ତି ରାଷ୍ଟ୍ରପତି । ଏପଟେ ଖୁବ ଶୀଘ୍ର 4 ଦୋଷୀଙ୍କୁ ଫାଶୀ ଖୁଣ୍ଟରେ ଝୁଲାଇବା ପାଇଁ ଦାବି ଜୋର ଧରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
