ରାଞ୍ଚି: ଜାମସେଦପୁର ଅଞ୍ଚଳରେ ଗତ ସୋମବାର 3 ବର୍ଷର ଶିଶୁକୁ 12 ବର୍ଷର ନାବାଳକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ପୀଡିତା ଶିଶୁର ପରିବାର ପକ୍ଷରୁ ଅଭିଯୋଗ ପରେ ଅଭିଯୁକ୍ତ ଓ ତା' ପିତାଙ୍କୁ ଗିରଫ କରିବା ପାଇଁ ପୋଲିସ ତଦନ୍ତ ଆରମ୍ଭ କରିଥିବା ସୂଚନା ମିଳିଛି ।
ଶିଶୁଟି ପରଶୁଧି ଥାନା ନିକଟସ୍ଥ ଲୋକୋ କଲୋନୀରେ ନିଜ ଭଡା ଘରେ ଖେଳୁଥିବା ସମୟରେ ଅଭିଯୁକ୍ତ ଦୁଷ୍କର୍ମ କରିଥିବା ପୋଲିସ ଖବର ଦେଇଛି । ପୀଡିତାର ପରିବାର ପକ୍ଷରୁ ଗତ ଶନିବାର ସନ୍ଧ୍ୟା ସମୟରେ ଥାନାରେ ଅଭିଯୋଗ ହୋଇଥିଲା । ପୀଡିତାର ପିତା କିଛି ଦିନ ପାଇଁ ସହର ବାହାରେ ଥିବାରୁ ଘଟଣା ଘଟିବା ପରେ ସଙ୍ଗେ ସଙ୍ଗେ ଥାନାରେ ଅଭିଯୋଗ ହୋଇନଥିଲା ।
ଅଭିଯୁକ୍ତ ଜଣକ ଝାଡଖଣ୍ଡର ପୂର୍ବ ଅଞ୍ଚଳରେ ଥିବା ସିଙ୍ଗଭୁମ ଜିଲ୍ଲାର ସ୍ଥାୟୀ ଅଧିବାସୀ ବୋଲି ଜଣାପଡିଛି । ପୋଲିସ ଏଫଆଇଆର ପାଇବା ପରେ ସଂପୃକ୍ତ ଅଭିଯୁକ୍ତ ସହ ତାର ପିତାକୁ ଖୋଜିବା ସହ ଘଟଣା ସଂପର୍କରେ ଅଧିକ ତଦନ୍ତ ଜାରି ରଖିଛି ।
