ଶ୍ରୀନଗର: ବିଜେପି ନେତା ହତ୍ୟାକାରୀଙ୍କୁ ଗିରଫ କଲା ଜମ୍ମୁ କାଶ୍ମୀର ପୋଲିସ । କିସ୍ତାୱାର ଅଞ୍ଚଳରୁ ତିନିଜଣ ହିଜବୁଲ ମୁଜାହିଦ୍ଦିନ ଆତଙ୍କବାଦୀଙ୍କୁ ଏହି ମାମଲାରେ ଗିରଫ କରାଯାଇଛି । ଗିରଫ ଆତଙ୍କବାଦୀମାନେ ବିଜେପି ନେତା ଚନ୍ଦ୍ରକାନ୍ତ ଶର୍ମା ଓ ତାଙ୍କ ସୁରକ୍ଷାକର୍ମୀଙ୍କ ହତ୍ୟା ମାମଲାରେ ସଂପୃକ୍ତ ଥିବା ପୋଲିସ କହିଛି । ସେହିପରି ଗିରଫ ଆତଙ୍କୀଙ୍କ ମଧ୍ୟରୁ ଅହମ୍ମଦ ଶେଖ ବିଜେପି ନେତା ଅନିଲ ପରିହାରଙ୍କ ହତ୍ୟା ମାମଲାରେ ସାମିଲ ଥିଲା ବୋଲି ପୋଲିସ ପ୍ରକାଶ କରିଛି ।
ଗତ 2018 ମସିହା ଏପ୍ରିଲ 9 ତାରିଖରେ ବିଜେପି ନେତା ଚନ୍ଦ୍ରକାନ୍ତ ଶର୍ମାଙ୍କୁ ହତ୍ୟା କରାଯାଇଥିଲା । ସେହିପରି ନଭେମ୍ବର 1 ତାରିଖରେ ବିଜେପି ନେତା ଅନିଲ ପରିହାରଙ୍କୁ ଗୁଳିକରି ହତ୍ୟା କରାଯାଇଥିଲା ।
