ହାଇଦ୍ରାବାଦ: ଶ୍ରୀଲଙ୍କାରୁ ଭାରତ ଅଭିମୁଖେ ଆସୁଥିବା ସମୟରେ ଦୁର୍ଘଟଣାର ଶିକାର ହୋଇଛି ଭାରତୀୟ ତୈଳ ଟ୍ୟାଙ୍କର । ଫଳରେ ବିଶାଖାପଟନମ ନିକଟରେ ଟ୍ୟାଙ୍କରଟିରେ ନିଆଁ ଲାଗି ପ୍ରବଳ ଧୂଆଁ ବାହାରୁଥିବା ଦେଖାଯାଇଥିଲା । ଜାହାଜଟି ତୈଳ ବହନ କରିଥିବାରୁ ଦୁର୍ଘଟଣା ପରେ ତୁରନ୍ତ ଏଥିରେ ନିଆଁ ଲାଗିଥିଲା । ଖବର ପାଇ ତୁରନ୍ତ କୋଷ୍ଟ ଗାର୍ଡ ଘଟଣାସ୍ଥଳରେ ପହଞ୍ଚି ନିଆଁ ଲିଭା କାର୍ଯ୍ୟ ଆରମ୍ଭ କରିଥିଲେ ।
କେବଳ ସେତିକି ନୁହେଁ ଜାହାଜର ନିଆଁ ଲିଭାଇବା ପାଇଁ ଅନ୍ୟ ଦେଶର ଜାହାଜମାନେ ମଧ୍ୟ ଆଗେଇ ଆସିଥିଲେ । ଘଟଣାରେ ବର୍ତ୍ତମାନ ସୁଦ୍ଧା କୌଣସି କ୍ଷୟକ୍ଷତିର ଆକଳନ ହୋଇପାରି ନାହିଁ । ସେପଟେ କୋଷ୍ଟ ଗାର୍ଡ ସହାୟତାରେ ନିଆଁକୁ ବର୍ତ୍ତମାନ ଆୟତ୍ତ କରାଯାଇଥିବା ଜଣା ପଡିଛି । ଏବେ ଜାହାଜର ଯାଞ୍ଚ ଚାଲିଥିବା ବେଳେ ଏହା ଆଗକୁ ଯାତ୍ରା କରିବା ସମ୍ଭବ କି ନାହିଁ, ତାହା ଯାଞ୍ଚ ପରେ ଜଣାପଡିବ ।
ସୂଚନା ଅନୁୟାୟୀ ଜାହାଜଟି ଶ୍ରୀଲଙ୍କାରୁ ଭାରତ ଆସୁଥିବା ବେଳେ ଆନ୍ଧ୍ରପ୍ରଦେଶ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଜାହାଜଟିର ନାମ ହେଉଛି ଏମଟି ନ୍ୟୁ ଡାଏମଣ୍ଡ । ଏହା ଭାରତୟୀ ତୈଳ କର୍ପୋରେସନ ପାଇଁ ତୈଳ ପରିବହନ କରିଥାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
