ଟେକ୍ସାସରେ ଶିଖ ପୋଲିସ ଅଧିକାରୀଙ୍କୁ ଗୁଳି କରି ହତ୍ୟା

ଆମେରିକାର ଟେକ୍ସାସରେ ଭାରତୀୟ ବଂଶୋଦ୍ଭବ ଶିଖ ପୋଲିସ ଅଧିକାରୀ ସନ୍ଦୀପ ସିଂହ ଧାଲିଓ୍ବାଲଙ୍କୁ ଟ୍ରାଫିକ ସିଗନାଲରେ ଗୁଳିକରି ହତ୍ୟା । ସନ୍ଦୀପଙ୍କ ହତ୍ୟା ନେଇ ବିଦେଶ ମନ୍ତ୍ରୀ ଏସ ଜୟଶଙ୍କର ଶୋକ ପ୍ରକାଶ ।

ହୋଷ୍ଟନ: ଆମେରିକାର ଭାରତୀୟ ବଂଶୋଦ୍ଭବ ଶିଖ ପୋଲିସ ଅଧିକାରୀ ସନ୍ଦୀପ ସିଂହ ଧାଲିଓ୍ବାଲଙ୍କୁ ଗୁଳିକରି ହତ୍ୟା । ଟେକ୍ସାସ ରାଜ୍ୟରେ 42 ବର୍ଷିୟ ଏହି ପୋଲିସ ଅଧିକାରୀଙ୍କୁ ଟ୍ରାଫିକ ସିଗନାଲରେ ଗୁଳି କରାଯାଇଥିବା ସୂଚନା । ପୋଲିସ ଅଧିକାରୀ ଜଣକ ଶିଖ ସମୁଦାୟର ଥିଲେ ।

ଧାଲିଓ୍ବାଲଙ୍କୁ ଏୟାର ଆମ୍ବୁଲାନ୍ସ ସାହାଯ୍ୟରେ ମେମୋରିୟଲ ହର୍ଷନ ହସ୍ପିଟାଲ ନିଆଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଛି । ସନ୍ଦୀପଙ୍କ ହତ୍ୟା ନେଇ ବିଦେଶ ମନ୍ତ୍ରୀ ଏସ ଜୟଶଙ୍କର ଟ୍ବିଟ କରି ଶୋକ ପ୍ରକାଶ କରିବା ସହ ତାଙ୍କ ପରିବାର ପ୍ରତି ସମ୍ବେଦନା ପ୍ରକଟ କରିଛନ୍ତି ।