ଶ୍ରୀନଗର: ଜମ୍ମୁ-କାଶ୍ମୀରରେ ସୁରକ୍ଷାକର୍ମୀଙ୍କୁ ପୁଣି ଟାର୍ଗେଟ କଲେ ଆତଙ୍କବାଦୀ । କୁଲଗାମ ଜିଲ୍ଲାର ନେହାମା ଠାରେ ଥିବା ସିଆରପିଏଫ କ୍ୟାମ୍ପ ବାହାରେ ଥିବା ବଙ୍କର ଉପରେ ଆତଙ୍କବାଦୀମାନେ ଆକ୍ରମଣ କରିଛନ୍ତି। ଏଥିରେ ଜଣେ ସିଆରପିଏଫ ଯବାନ ଆହତ ହୋଇଛନ୍ତି। ଘଟଣାପରେ ସମଗ୍ର ଅଞ୍ଚଳରେ ଘେରାବନ୍ଦୀ କରି ସୁରକ୍ଷାକର୍ମୀଙ୍କ ପକ୍ଷରୁ ସର୍ଚ୍ଚ ଅପରେଶନ କରାଯାଉଛି ।
ଏହା ପୂର୍ବରୁ ସୋମବାର ବାରାମୁଲ୍ଲା ଜିଲ୍ଲା କ୍ରେରି ଅଞ୍ଚଳରେ ସିଆରପିଏଫର ନାକା ପାର୍ଟି ଉପରକୁ ଆତଙ୍କୀ ହମଲା ହୋଇଛି । ଆତଙ୍କୀଙ୍କ ଗୁଳିରେ ଜଣେ ପୋଲିସ ଅଧିକାରୀ ଓ 2 ଜଣ ସିଆରପିଏଫ ଯବାନ ଶହୀଦ ହୋଇଥିଲେ। ତେବେ ଏହାର ଜବାବରେ 2 ଆତଙ୍କୀଙ୍କୁ ନିପାତ କରିଥିଲେ ସୁରକ୍ଷାକର୍ମୀ ।
