ନୂଆଦିଲ୍ଲୀ: ଦେଶରେ ହଇଚଇ ସୃଷ୍ଟି କରିଥିବା ତେଲେଙ୍ଗାନା ଦିଶା ଗଣଦୁଷ୍କର୍ମ ଓ ହତ୍ୟା ଘଟଣାରେ 4 ଅଭିଯୁକ୍ତଙ୍କ ଏନକାଉଣ୍ଟରକୁ ନେଇ ସୁପ୍ରିମକୋର୍ଟ ନିଜର ଶୁଣାଣି କରିଛନ୍ତି । ଏହି ଘଟଣାରେ ପୋଲିସର କଣ ଭୂମିକା ଥିଲା ସେ ନେଇ ତଦନ୍ତ କରିବାକୁ ସୁପ୍ରିମକୋର୍ଟର ଜଣେ ପୂର୍ବତନ ବିଚାରପତିଙ୍କୁ ଦାୟିତ୍ବ ଦିଆଯିବ । ଏହି ତଦନ୍ତଭାର ପୂର୍ବତନ ବିଚାରପତି ନେବା ସହ ସେ ଦିଲ୍ଲୀରେ ହିଁ ରହିବେ ।
ମାତ୍ର ଦିଲ୍ଲୀରେ ରହି ତଦନ୍ତ ପ୍ରକ୍ରିୟାକୁ ତ୍ବରାନ୍ବିତ କରିବେ । ଗୁରୁବାର ଏନେଇ ପରବର୍ତ୍ତୀ ଶୁଣାଣି ଥିବା ବେଳେ ସେପଟେ ତେଲେଙ୍ଗାନା ହାଇକୋର୍ଟରେ ମଧ୍ୟ ଏହି ମାମଲାର ଶୁଣାଣି ଆସନ୍ତାକାଲି ଅର୍ଥାତ ଗୁରୁବାର କରାଯିବ। ସେପଟେ ମାମଲାରେ 4 ଅଭିଯୁକ୍ତଙ୍କ ମୃତଦେହ 13 ତାରିଖ ଯାଏଁ ସଂରକ୍ଷିତ ରଖିବାକୁ ତେଲେଙ୍ଗାନା ହାଇକୋର୍ଟ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ।
ସୂଚନାଯୋଗ୍ୟ, ତେଲେଙ୍ଗାନା ପଶୁ ଡାକ୍ତରାଣୀଙ୍କୁ ଗଣଦୁଷ୍କର୍ମ ଓ ହତ୍ୟା ଘଟଣାରେ 4 ଅଭିଯୁକ୍ତଙ୍କୁ ଏନକାଉଣ୍ଟର କରିଥିଲା ପୋଲିସ । ତେବେ ଏହି ଏନକାଉଣ୍ଟର ଫେକ ଏନକାଉଣ୍ଟର ଦର୍ଶାଇ ସୁପ୍ରିମକୋର୍ଟରେ ଆବେଦନ କରାଯାଇଥିବା ଯାଚିକାର ଶୁଣାଣି ଚାଲିଛି ।
