ହାଇଦ୍ରାବାଦ: କୋରୋନା ମାଡରେ ହସ୍ତସନ୍ତ ସାଧାରଣ ବେପାରୀଙ୍କଠାରୁ ଆରମ୍ଭ କରି ଟେଲିକମ କମ୍ପାନୀ । ଦିନକୁ ଦିନ ଟେଲିକମ କମ୍ପାନୀଙ୍କ ମାନଙ୍କ ମୁଣ୍ଡରେ ବୋଝ ବଢୁଥିବା ବେଳେ ଶେଷରେ କେନ୍ଦ୍ର ସରକାରଙ୍କ ସହାୟତା ପାଇଁ ଅପିଲ କରିଛନ୍ତି ଏହି କମ୍ପାନୀ । ସେ କହିଛନ୍ତି କି କମ୍ପାନୀର ଲାଭ ପାଇଁ ବର୍ତ୍ତମାନ ପ୍ରିପେଟ ଗ୍ରାହକଙ୍କୁ ଅଧିକ ସୁବିଧା ଯୋଗାଇବାର ଆବଶ୍ୟକତା ରହିଛି ।
ସେଲ୍ୟୁଲାର ଅପରେଟର୍ସ ଆସୋସିଏସନ ଅଫ ଇଣ୍ଡିଆ ଏନେଇ ଟେଲିକମ ରେଗୁଲେଟୋରି ଅଥରିଟି ଅଫ ଇଣ୍ଡିଆକୁ ଏକ ଚିଠି ଲେଖିଛି । ଯେଁଉଥିରେ ଲେଖାଯାଇଛି କି ମାର୍ଚ୍ଚ 31,2020 ସୁଦ୍ଧା ୟୁଏସଓ ଫଣ୍ଡ ନାମରେ ଅବ୍ୟବହୃତ ହୋଇ ପଡିରହିଥିବା 51,500କୋଟି ଟଙ୍କାକୁ ସରକାର ବ୍ୟବହାର କରି ଟେଲିକମ କମ୍ପାନୀମାନଙ୍କୁ କ୍ଷତିରୁ ବଞ୍ଚାଇପାରିବେ ।
ଏହି ଅର୍ଥି ରାଶିର ବ୍ୟବହାରରେ ଦେଶରେ ପ୍ରିପେଡ ସର୍ଭିସ ସବସ୍କ୍ରାଇବର ଗ୍ରାହକଙ୍କୁ ଅଧିକ ସୁବିଧା ଯୋଗାଇ କମ୍ପାନୀମାନେ ସବସିଡି ଆକରରେ ଲାଭ ପାଇପାରିବେ । ସେପଟେ ଚିଠିର ଉତ୍ତର ଦେଇ କେନ୍ଦ୍ର କହିଛି କି ଏହା ଏକ ଅବାସ୍ତବ ଯୁକ୍ତି । ଦେଶରେ ଥିବା କେତେକ ମଧ୍ୟବିତ୍ତ ଓ ଗରିବ ଶ୍ରେଣୀର ଲୋକଙ୍କ ପାଇଁ ଏହା ଉଦ୍ଦିଷ୍ଟ ହୋଇପାରେ କିନ୍ତୁ ଧନୀ ଶ୍ରେଣୀର ଲୋକଙ୍କ ପାଇଁ ଏହାର କୌଣସି ବ୍ୟବହାର ନାହିଁ । ଅନ୍ୟପଟେ ଏହି ସୁବିଧା ଯଦି ଦେଶର ସମସ୍ତ ପ୍ରିପେଡ ଗ୍ରାହକଙ୍କୁ ଦିଆଯାଏ ତେବେ ଏହା ସମାଜର ଅନେକ ଲୋକଙ୍କ ସହ ଅନ୍ୟାୟ ହେବ ।
ଏହି ସମସ୍ୟା ଆଗକୁ ଯାଇ ଅଧିକ ଉତ୍କଟ ହେଉ ଏହା ପୂର୍ବରୁ ସରକାର ଏ ଦିଗରେ ଦୃଷ୍ଟି ଦେଇ ସମାଧାନ କରିବେ ବୋଲି ମଧ୍ୟ ଟେଲିକମ କମ୍ପାନୀମାନଙ୍କୁ ଆଶ୍ବସ୍ତି ମିଳିଛି ।
