ହାଇଦ୍ରାବାଦ: ଦୁଇ ଦିନିଆ ଗସ୍ତ ସାରି ଆମେରିକା ଫେରିଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଏହି ଗସ୍ତରେ ଭାରତବାସୀ ବିଭିନ୍ନ ଢଙ୍ଗରେ ଟ୍ରମ୍ପଙ୍କୁ ଦେଶରେ ସ୍ବାଗତ ଜଣାଇଥିବା ବେଳେ ତେଲେଙ୍ଗାନାର ଗିରମଜିପେଟ ଅଞ୍ଚଳର ମାଟ୍ଟେୱାଡା ଅଜୟ କୁମାର କରିଛନ୍ତି କିଛି ନିଆରା ପ୍ରୟାସ ।
ଅତି ସୂକ୍ଷ୍ମ କାରିଗରୀ ଦ୍ବାରା ସେ ଟ୍ରମ୍ପଙ୍କ ସ୍ବାଗତ ଜଣାଇଛନ୍ତି । ସାମାନ୍ୟ ଛୁଞ୍ଚିର କଣା ଦେଖିବାକୁ ସହଜସାଧ୍ୟ ହୋଇନଥିବା ବେଳେ ଏଥିରେ ଟ୍ରମ୍ପ ଓ ଆମେରିକୀୟ ଜାତୀୟ ପତାକାକୁ ତିଆରି କରିଛନ୍ତି ଅଜୟ । ଏହି ସୂକ୍ଷ୍ମ କାରିଗରୀରେ ଟ୍ରମ୍ପଙ୍କ ଉଚ୍ଚତା 1.25 ମିଲିମିଟର ହୋଇଥିବା ବେଳେ ଏହାର ଓସାର ରହିଛି ମାତ୍ର 0.32 ମିଲିମିଟର । ସେହିପରି ଆମେରିକୀୟ ଜାତୀୟ ପତାକାର ଉଚ୍ଚତା 0.94 ମିଲିମିଟର ଓ ଓସାର 0.64 ମିଲିମିଟର ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
