ନୂଆଦିଲ୍ଲୀ: ତେଲେଙ୍ଗାନାରେ ଜଣେ ସରକାରୀ କର୍ମଚାରୀଙ୍କ ଘରେ ଦୁର୍ନୀତି ନିବାରଣ ସଂସ୍ଥା (ଏସିବି)ର ରେଡ । ହାଇଦ୍ରାବାଦର ହାୟତନଗର ମହିଳା ତହସିଲଦାର ଲାବନ୍ୟାଙ୍କ ଘରେ ହେଲା ଚଢାଉ । ଲାବନ୍ୟାଙ୍କ ଘରୁ 92.5 ଲକ୍ଷ ନଗଦ ଟଙ୍କା ଜବତ କରିଛି ଏସିବି ଟିମ । ଲାବନ୍ୟାଙ୍କ ବିରୋଧରେ ଦୁର୍ନୀତି ମାମଲା ରୁଜୁ କରିଛି ଏସିବି ଟିମ ।
ସୂଚନା ଅନୁସାରେ ଏସିବି ଟିମ ଲାବନ୍ୟାଙ୍କ ଘରେ ଚଢାଉ କରିଥିଲେ । ତାଙ୍କ ଘରୁ ବହୁ ମାତ୍ରାରେ ନଗଦ ଟଙ୍କା, 420 ଗ୍ରାମ ସୁନା ଗହଣା ଆଦି ଜବତ କରିଛି । ଲାବନ୍ୟାଙ୍କ ବିରୋଧରେ ଏମ ଭାସ୍କର ନାମକ ଜଣେ ଚାଷୀ ଏସିବି ଟିମକୁ ଅଭିଯୋଗ କରିଥିଲେ । ଯାହାପରେ ଲାବନ୍ୟାଙ୍କ ଘରେ ଚଢାଉ ହୋଇଥିଲା ।
ଉକ୍ତ ଚାଷୀ ଅଭିଯୋଗ କରିଥିଲେ ଯେ ତହସିଲଦାର ତାଙ୍କୁ ଜମି ବାବାଦରେ ଲାଞ୍ଚ ମାଗିଥିଲେ । ଚାଷୀର ଜମିକୁ ଅନଲାଇନ ଅପଡେଟ କରିବା ପାଇଁ 8 ଲକ୍ଷ ଟଙ୍କା ଲାଞ୍ଚ ମାଗିଥିବା ଅଭିଯୋଗ ଆସିଛି । ସେପଟେ ତହସିଲଦାରଙ୍କ ବିରୋଧରେ ଅଭିଯୋଗ ପାଇବା ପରେ 4 ଲକ୍ଷ ଟଙ୍କା ଲାଞ୍ଚ ନେଉଥିବା ବେଳେ ଧରାପଡିଲେ ତହସିଲଦାର ଲାବନ୍ୟା ।
