ନୂଆଦିଲ୍ଲୀ: ପୂର୍ବତନ ବୈଦେଶିକ ମନ୍ତ୍ରୀ ତଥା ଦିବଙ୍ଗତ ସୁଷମା ସ୍ବରାଜଙ୍କ କଥା ରଖିଲେ ଝିଅ । ବରିଷ୍ଠ ଆଇନଜୀବୀ ହରିଶ ସାଲଭେଙ୍କ ପାଉଣା ଭରିଲେ ଝିଅ ବାଂଶୁରୀ । ଆଇସିଜେରେ ଭାରତ ପକ୍ଷରୁ କୁଳଭୂଷଣ ଯାଦବଙ୍କ ପକ୍ଷ ରଖିଥିବା ସାଲଭେଙ୍କୁ ତାଙ୍କର 1ଟଙ୍କାର ଫିସ ଦେଇଛନ୍ତି ଝିଅ ବାଂଶୁରୀ ।
ଗତ ଶୁକ୍ରବାର ସୁଷମା ସ୍ବରାଜଙ୍କ ସ୍ବାମୀ ସ୍ବରାଜ କୌଶଲ ଟ୍ବିଟ କରି କହିଛନ୍ତି, ବାଂଶୁରୀ ଆଜି ତୁମର ଶେଷ ଇଚ୍ଛା ପୂରଣ କରିଛନ୍ତି । କୂଳଭୂଷଣ ଯାଦବଙ୍କୁ ଯେଉଁ 1ଟଙ୍କା ତୁମର ଦେବାର ଥିଲା, ତାଙ୍କୁ ଭେଟି ତାଙ୍କର ପାଉଣା ଦିଆଯାଇଛି ।
ସୂଚନାଯୋଗ୍ୟ, ହରିଶ ସାଲଭେ ଅନ୍ତରାଷ୍ଟ୍ରୀୟ ନ୍ୟାୟାଳୟରେ ଯାଦବଙ୍କ ମାମଲାରେ ଭାରତର ପ୍ରତିନିଧିତ୍ବ କରିବା ପାଇଁ 1ଟଙ୍କାର ଦାବି କରିଥିଲେ । କିନ୍ତୁ ଦୁର୍ଭାଗ୍ୟ ବଶତଃ ସୁଷମା ସ୍ବରାଜଙ୍କ ଦେହାନ୍ତ ହେବାରୁ ସେ ତାଙ୍କର ଫିସ ଦେଇପାରିନଥିଲେ । ତେବେ ମୃତ୍ୟୁ ଘଣ୍ଟାଏ ପୂର୍ବରୁ ସାଲଭେଙ୍କ ସହ ଶେଷ କଥା ହୋଇଥିଲେ ସୁଷମା ।
