ସୁରଟ: 2019 ସାଧାରଣ ନିର୍ବାଚନରେ ପୁଣି ଥରେ ବିଜୟ ଲାଭ କରିଛି ବିଜେପି । ଏନେଇ ଆଜି ରାଷ୍ଟ୍ରପତି ଭବନରେ ଦ୍ବିତୀୟଥର ପାଇଁ ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କଲେ ମୋଦି । ତେବେ ଦ୍ବିତୀୟ ଥର ପାଇଁ ମୋଦି ପ୍ରଧାନମନ୍ତ୍ରୀ ହେବା ନେଇ ଗୁଜୁରାଟର ସୁରଟବାସୀଙ୍କ ମଧ୍ୟରେ ଖୁସିର ମାହୋଲ ରହିଛି ।
ଏନେଇ ସୁରଟର କିଛି ଛାତ୍ରଛାତ୍ରୀ ମିଶି ମୋଦିଙ୍କର ଏକ ପ୍ରତିମୂର୍ତ୍ତୀ ତିଆରି କରିଛନ୍ତି । ପିପଲୋଦ ଅଞ୍ଚଳର ଷ୍ଟାର୍ଚ କଲେଜର ଛାତ୍ରଛାତ୍ରୀ ମିଶି 'ଓ୍ବେଷ୍ଟେଜ କପଡା'କୁ ଯୋଡି ସେଥିରେ ମୋଦିଙ୍କର ପ୍ରତିମୂର୍ତ୍ତୀ ତିଆରି କରିଛନ୍ତି । ଏହାକୁ ତିଆରି କରିବା ପାଇଁ 30 ଜଣ ଛାତ୍ରଛାତ୍ରୀଙ୍କୁ ଲାଗିଥିଲା 6 ଘଣ୍ଟାର ସମୟ । ଆଉ ଏହା ବେଶ ଆକର୍ଷଣୀୟ ହୋଇଥିବାବେଳେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
