ଜୟପୁର: ଆଇସିଏମଆରରୁ ଅନୁମତି ପାଇବା ପରେ ରାଜସ୍ଥାନର ଜୟପୁରରେ ସାୱାଇ ମାନସିଂହ ହସ୍ପିଟାଲରେ କରାଯାଇଥିବା ପ୍ଲାଜମା ଥେରାପି ପରୀକ୍ଷା ସଫଳ ହୋଇଥିଲା। କୋଭିଡ-19 ର ଦୁଇଜଣ ଗୁରୁତର ଅସୁସ୍ଥ ରୋଗୀ ଏଠାରେ ଥିବା ଏସଏମଏସ ହସ୍ପିଟାଲ୍ ଓ ମେଡିକାଲ୍ କଲେଜରେ ପ୍ଲାଜମା ଥେରାପି ପାଇବା ପରେ ସୁସ୍ଥ ହୋଇଛନ୍ତି ବୋଲି ଏହାର ବରିଷ୍ଠ ଅଧିକାରୀ ବୁଧବାର କହିଛନ୍ତି।
କୋରୋନା ଭାଇରସ ରୋଗୀଙ୍କ ପାଇଁ ପ୍ଲାଜମା ଥେରାପି ଆରମ୍ଭ କରିବା ପାଇଁ ନିକଟରେ ରାଜ୍ୟ ସରକାର ଆଇସିଏମ୍ଆରର ଅନୁମତି ପାଇଥିଲେ। ଏସଏମଏସ ମେଡିକାଲ କଲେଜ ଓ ହସ୍ପିଟାଲ ଏହାକୁ ପରୀକ୍ଷା ଭିତ୍ତିରେ ଆରମ୍ଭ କରି ଆଇସିଏମଆରକୁ ସୂଚନା ଦେଇଥିଲା।
ଅନ୍ୟ ରାଜ୍ୟ ତଥା ଦିଲ୍ଲୀ, କେରଳ ଓ ମଧ୍ୟପ୍ରଦେଶ ମଧ୍ୟ ଏହି ଚିକିତ୍ସା ଆରମ୍ଭ କରିଥିବା ଜଣାପଡିଛି। ଏହି ମାରାତ୍ମକ ଭାଇରସରୁ ମୁକ୍ତି ପାଇଥିବା ଲୋକଙ୍କ ରକ୍ତରେ ଏହି ରୋଗ ସହିତ ଲଢିବା ପାଇଁ ଆଣ୍ଟିବଡି ଥାଏ । ଡାକ୍ତରମାନେ ଏହାକୁ ସୁସ୍ଥ ପ୍ଲାଜମା ବୋଲି କହନ୍ତି । ଗବେଷକମାନେ ଆଶା କରନ୍ତି ଯେ ଭୂତାଣୁ ସହିତ ଲଢିବା କୋଭିଡ-19 ରୋଗୀଙ୍କୁ କନଭାଲେସେଣ୍ଟ ପ୍ଲାଜମା ଦିଆଯାଇପାରିବ ।
