ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବ କ୍ୟାପ୍ଟେନ ସୁନୀଲ ଗାଭାସ୍କର ଦେଶର ସ୍ଥିତିକୁ ନେଇ ଚିନ୍ତା ପ୍ରକାଶ କରିଛନ୍ତି । ଛାତ୍ର ପାଠ ପଢିବା ବଦଳରେ ରାସ୍ତାକୁ ଓହ୍ଲେଇ ଆସିଲେଣି ବୋଲି ସେ କହିଛନ୍ତି ।
26ତମ ଲାଲବାହାଦୁର ଶାସ୍ତ୍ରୀ ସ୍ମୃତି ବାଖ୍ୟାନରେ ଯୋଗ ଦେଇ ସୁନୀଲ ଗାଭାସ୍କର ଦେଶର ବିରୋଧ କରୁଥିବା ଛାତ୍ରଙ୍କୁ ସମାଲୋଚନା କରିଛନ୍ତି । ସେ କହିଛନ୍ତି, ‘ ଆମର କେତେକ ଛାତ୍ର ପାଠପଢା ଛାଡି ରାସ୍ତାକୁ ଓହ୍ଲାଉଛନ୍ତି ଓ ରାସ୍ତାକୁ ଆସିବା କାରଣରୁ ହସ୍ପିଟାଲରେ ଭର୍ତ୍ତି ହେଉଛନ୍ତି ଓ ବହୁସଂଖ୍ୟକ ବର୍ଗ ଏବେ ବି ପାଠ ପଢି କ୍ୟାରିୟର ଗଢିବା ଓ ଭାରତକୁ ଆଗକୁ ନେବା ପାଇଁ ଚେଷ୍ଟା କରୁଛନ୍ତି ’।
ଆମେ ଏକାଠି ହୋଇ ଆଗକୁ ଯାଇପାରିବା, ଭାରତ ଏହା ପୂର୍ବରୁ ଅନେକ ସମସ୍ୟା ଦେଇ ଗତି କରିସାରିଛି ଓ ଏହାକୁ ମଧ୍ୟ ପାର୍ କରିଦେବ ବୋଲି ସେ କହିଛନ୍ତି । ଦେଶରେ ବର୍ତ୍ତମାନ ସିଏଏ ଓ ଏନଆରସିକୁ ନେଇ ପ୍ରତିବାଦ ଚାଲିଥିବା ବେଳେ ଜେଏନୟୁ ହିଂସା ଏହି ଆନ୍ଦୋଳନକୁ ଅଧିକ ସକ୍ରିୟ କରିଛି ।
