ହାଇଦ୍ରାବାଦ: ସମସ୍ତଙ୍କୁ ଖାଇ ଗୋଡାଉଛି କୋରୋନା ଭୟ । ଭାରତରେ କୋରୋନା ଭାଇରସ ସଂକ୍ରମିତ ଲୋକଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି । ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଦ୍ବାରା ପ୍ରକାଶିତ ତଥ୍ୟ ଅନୁଯାୟୀ ସାରା ଦେଶରେ ଏପର୍ଯ୍ୟନ୍ତ 606 ଜଣ ଲୋକ ଏହି ଭାଇରସରେ ଆକ୍ରାନ୍ତ ହୋଇଥିବାବେଳେ 10 ଜଣଙ୍କ ଜୀବନ ଯାଇଛି। ସେପଟେ ଏହି ସଂକ୍ରମଣ ନବ୍ୟାପିବା ପାଇଁ ସାମାଜିକ ଦୂରତା ହିଁ ଏହାର ଏକମାତ୍ର ଉପାୟ । ସେଥିପାଇଁ ସମଗ୍ର ଦେଶକୁ 21 ଦିନ ପାଇଁ ଲକ୍ଡାଉନ୍ କରାଯାଇଛି । ଅର୍ଥାତ ଏତି ଆବଶ୍ୟ ନପଡିଲେ କେହି ଘରୁ ଗୋଡ ନକାଢିବାକୁ ପରାମର୍ଶ ଦିଆଯାଇଛି ।
ତେବେ ସାଧାରଣ ଥଣ୍ଡା, କାଶ ଏବଂ ଜ୍ବର ଭଳି ସାଧାରଣ ଲକ୍ଷଣ ଗୁଡିକ COVID-19 ସଂକ୍ରମଣ ବୋଲି ସନ୍ଦେହ କରାଯାଉଛି | ଏହି ଲକ୍ଷଣ ଆରମ୍ଭରେ ଲୋକମାନେ ଡାକ୍ତରଖାନାକୁ ଦୌଡୁଛନ୍ତି । ଡାକ୍ତରମାନେ ମଧ୍ୟ ରୋଗୀଙ୍କୁ 14 ଦିନ ଘର କ୍ୟାଣ୍ଟିନରେ ରହିବାକୁ ପରାମର୍ଶ ଦେଉଛନ୍ତି । ଅନେକ ଲୋକ ସଂକ୍ରମଣର ଭୟକୁ ନେଇ ନିଜ ଘରେ ରୁହନ୍ତି । ଯଦି ଏହି ଅବଧି ମଧ୍ୟରେ ଲକ୍ଷଣ ହ୍ରାସ ନହୁଏ, ତେବେ ସେମାନଙ୍କୁ ଡାକ୍ତରଖାନାକୁ ଦ୍ବିତୀୟ ଥର ଯିବାକୁ କୁହାଯାଇଛି | ଖାଦ୍ୟ ଏବଂ ଅନ୍ୟାନ୍ୟ ସତର୍କତା ମଧ୍ୟ ଲୋକଙ୍କୁ ଶୀଘ୍ର ସୁସ୍ଥ ହେବାକୁ ସାହାଯ୍ୟ କରେ । ପୁଷ୍ଟିକର ବିଶେଷଜ୍ଞ ସୁଜାତା ଷ୍ଟିଫେନ୍ କହିଛନ୍ତି ଯେ ଏକ ସନ୍ତୁଳିତ ଖାଦ୍ୟ ଖାଇବା, ପର୍ଯ୍ୟାପ୍ତ ପରିମାଣରେ ଶୋଇବା ଏବଂ ଘରେ ବ୍ୟାୟାମ କରିବା ଦ୍ବାରା ଲୋକମାନେ ଶୀଘ୍ର ରୋଗରୁ ମୁକ୍ତି ପାଇପାରିବେ ।
ଏକ ସନ୍ତୁଳିତ ଖାଦ୍ୟ ଅର୍ଥାତ ଭିଟାମିନ୍ ଏ, ବି, ସି, ଡି, ଆଇରନ୍, ସେଲେନିୟମ୍, ଏବଂ ଜିଙ୍କ ଥାଏ | ଏହି ଭିଟାମିନ୍ ଏବଂ ମିନେରାଲ୍ସରେ ଥିବା ମାଇକ୍ରୋ ପୋଷକ ତତ୍ତ୍ବ ଜୀବାଣୁ ଏବଂ ଭୂତାଣୁ ସଂକ୍ରମଣ ସହିତ ଯୁଦ୍ଧ କରିପାରେ | ସେମାନେ ରୋଗ ପ୍ରତିରୋଧକ ଶକ୍ତି ବଢାନ୍ତି | ଯେତେବେଳେ ରୋଗ ପ୍ରତିରୋଧକ ଶକ୍ତି ଦୁର୍ବଳ ହୁଏ, ଶରୀର ସହଜରେ ଏହି ଆକ୍ରମଣର ଶିକାର ହୁଏ | ଭଲ ଖାଦ୍ୟ ଏବଂ ଉତ୍ତମ ସ୍ବାସ୍ଥ୍ୟ ହିଁ ସମସ୍ତେ ଧ୍ୟାନ ଦେବା ଆବଶ୍ୟକ | ଏହି ପରିପ୍ରେକ୍ଷୀରେ, କ’ଣ ଖାଇବେ ଏବଂ କେଉଁ ଖାଦ୍ୟ ଏଡ଼ାଇବାକୁ ହେବ ସେ ବିଷୟରେ ନ୍ୟୁଟ୍ରିସନିଷ୍ଟ କ'ଣ କହିଛନ୍ତି ପଢନ୍ତୁ ଏହି ରିପୋର୍ଟ....
- ଜଙ୍କ ଫୁଡ୍, ଏରେଟେଡ୍ ପାନୀୟ, ପ୍ରକ୍ରିୟାକୃତ ଖାଦ୍ୟ ଏବଂ ମଦ୍ୟପାନ ଆଦି ରୋଗ ପ୍ରତିରୋଧକ କ୍ଷମତାକୁ କ୍ଷତି ପହଞ୍ଚାଇଥାଏ ତେଣୁ ଏସବୁକୁ ନ ଖାଇବାକୁ ସେ ପରାମର୍ଶ ଦେଇଛନ୍ତି | ଏହିପରି ଖାଦ୍ୟ ଖାଇବା ଦ୍ବାରା ପାଥୋଜେନଗୁଡିକ ଶ୍ବାସକ୍ରିୟା ଉପରେ ଆକ୍ରମଣ କରିବାରେ ସକ୍ଷମ ହେବେ। ଏହି ପରିପ୍ରେକ୍ଷୀରେ, ଧୂମପାନକାରୀମାନେ ତମାଖୁଠାରୁ ବହୁ ମାଇଲ ଦୂରରେ ରହିବା ଆବଶ୍ୟକ | ଅନ୍ୟଥା, ଫୁସଫୁସ ମଧ୍ୟ ଦୁର୍ବଳ ହୋଇଯିବ ବୋଲି ସେ କହିଛନ୍ତି ।
- ଲକ୍ଡାଉନ୍ ପରେ ଅନେକ ଲୋକ ୱାର୍କ ଫ୍ରମ ହୋମ ବା ଘରେ ରହି କାମ କରୁଛନ୍ତି | ଠିକ୍ ସମୟରେ ଖାଦ୍ୟ ଖାଇବା ପାଇଁ ସେମାନେ ଟିକେ ଅବହେଳିତ ହୋଇପାରନ୍ତି | ଭୋଜନ ଛାଡି ଦେଇପାରନ୍ତି କିମ୍ବା ଅତ୍ୟଧିକ ଭୋଜନ କରିପାରନ୍ତି | ଫଳସ୍ବରୂପ, ହଜମ ପ୍ରକ୍ରିୟା ନଷ୍ଟ ହୋଇଥାଏ | ଲୋକମାନେ ଭୋଜନ ସମୟକୁ କଠୋର ଭାବରେ ପାଳନ କରିବା ଉଚିତ୍ | ଯେ କୌଣସି ମୂଲ୍ୟରେ ମଦ୍ୟପାନ ଏବଂ ତମାଖୁରୁ ଦୂରେଇ ରହିବା ଉଚିତ୍ | ଘରେ ହାଲୁକା ବ୍ୟାୟାମ କରାଯିବା ଉଚିତ୍ | ଯାହା ମନକୁ ଶାନ୍ତି ଦେବା ସହ ଶରୀରକୁ ସୁସ୍ଥ ରଖିଥାଏ ।
ଆଇସୋଲେସନ ସମୟରେ କେଉଁ ଖାଦ୍ୟ ଖାଇବେ ନଜର ପକାନ୍ତୁ...
ଭିଟାମିନ୍ A: ରୋଗ ପ୍ରତିରୋଧକ ଶକ୍ତି ବଢାଏ । ଅଣ୍ଡାର ହଳଦିଆ ଅଂଶ, ବାଦାମ, ପିସ୍ତା, ପୁରା ଶସ୍ୟ, ପତ୍ରଯୁକ୍ତ ପନିପରିବା, ଏବଂ ଗାଜରରେ ପ୍ରଚୁର ପରିମାଣରେ ଭିଟାମିନ ଏ ଥାଏ । ତେଣୁ ଏହିସବୁ ଖାଦ୍ୟରେ ପ୍ରଚୁର ପରିମାଣର ଭିଟାମିନ୍ ଏ ଥାଏ ।
ଭିଟାମିନ୍ B: B6, B9, ଏବଂ B12 ଜୀବାଣୁ ଏବଂ ଭାଇରାଲ୍ ସଂକ୍ରମଣ ସହିତ ଲଢେଇ କରିବାରେ ସାହାଯ୍ୟ କରିଥାଏ । ଯାହା ଚିକେନ୍, ମାଛ, ଅଣ୍ଡା, ମଟନ୍, ବାଦାମ, କଦଳୀ, ଡାଲି, ଏବଂ କ୍ଷୀରରେ ପ୍ରଚୁର ପରିମାଣରେ ମିଳିଥାଏ ।
ଭିଟାମିନ୍ C: ଶରୀରରେ ବିଷାକ୍ତ ଗଠନକୁ ରୋକିଥାଏ, କୋଷଗୁଡ଼ିକୁ ସଫା କରିଥାଏ ଏବଂ ରୋଗ ପ୍ରତିରୋଧକ ଶକ୍ତି ବଢାଇବାରେ ପ୍ରମୁଖ ଭୂମିକା ଗ୍ରହଣ କରିଥାଏ । ଲେମ୍ବୁ, ଚେରି, କିୱି, ଏବଂ ଟମାଟୋରେ ଏହି ଭିଟାମିନ୍ ମିଳିଥାଏ ।
ଭିଟାମିନ୍ D: ଶ୍ବାସକ୍ରିୟା ସଂକ୍ରମଣରୁ ରକ୍ଷା କରିଥାଏ । ସୂର୍ଯ୍ୟକିରଣ ହେଉଛି ଭିଟାମିନ୍ ଡି ର ପ୍ରାକୃତିକ ଉତ୍ସ । ମାଛ, ଅଣ୍ଡା ଏବଂ କ୍ଷୀରରେ ମଧ୍ୟ ଏହି ଭିଟାମିନ୍ ଉପଲବ୍ଧ ।
ଭିଟାମିନ୍ E: ଏହି ଭିଟାମିନ୍ ସେଲ୍ୟୁଲାର୍ ବୃଦ୍ଧିରେ ସାହାଯ୍ୟ କରେ । ପିସ୍ତା, ଅଖ୍ରୋଟ, ଏବଂ ଭେଜିଟେବଲ ଅଏଲରେ ଏହା ମିଳିଥାଏ ।
ଜିଙ୍କ: ପ୍ରତିରକ୍ଷା ପ୍ରଣାଳୀ ସହାୟକ ଏନଜାଇମକୁ ସମର୍ଥନ କରେ । ଏକ ଆଣ୍ଟିଅକ୍ସିଡାଣ୍ଟ ଭାବରେ କାର୍ଯ୍ୟ କରେ । ଭାଇରାଲ୍ ସଂକ୍ରମଣରୁ ରକ୍ଷା କରେ । ସାମୁଦ୍ରିକ ଖାଦ୍ୟ, ବାଦାମ ଏବଂ ଚିକେନ୍ରେ ଏହା ମିଳିଥାଏ ।
- ଏହି କଠିନ ସମୟରେ ଏକ ସନ୍ତୁଳିତ ଖାଦ୍ୟ ନିମ୍ନଲିଖିତ ଅଟେ:
ଜଳଖିଆ ପାଇଁ, ଇଡଲି, ଦୋସା, ଉପମା ଏବଂ ଶସ୍ୟରେ ତିଆରି ଖାଇବା ଉଚିତ୍ । ଏକ ଗ୍ଲାସ କ୍ଷୀର ସହିତ 50-80 ଗ୍ରାମ ସ୍ପ୍ରାଉଟ ଖାଇବା ଉଚିତ ।
ବ୍ରଞ୍ଚ, ବଟରମିଲ୍କ, ଲେମ୍ବୁ, କିମ୍ବା ଫଳ ରସ ନିଆଯାଇପାରେ । ଫଳ ଗ୍ରହଣ ବାଧ୍ୟତାମୂଳକ ଅଟେ ।
ମଧ୍ୟାହ୍ନ ଭୋଜନ ପାଇଁ 200 ଗ୍ରାମ ବ୍ରାଉନ୍ ଚାଉଳ, 200 ଗ୍ରାମ ପନିପରିବା, ଡାଲି, 100 ଗ୍ରାମ ଚିକେନ୍, ଏବଂ ଦହି ନେବା ଜରୁରୀ । ଅପରାହ୍ନ 3ଟା ରେ ହାଲୁକା ସ୍ନାକ୍ସ ସହିତ କଫି କିମ୍ବା ଚା ନିଆଯାଇପାରେ । ରାତି 8.30 ସୁଦ୍ଧା ରାତ୍ରୀ ଭୋଜନ ଶେଷ ହେବା ଜରୁରୀ । ରୋଟି, ପନିପରିବା ତରକାରୀ ସହିତ ଏକ କପ୍ ଦହି ଖାଇ ପାରିବେ । ଶୋଇବା ପୂର୍ବରୁ ଏକ କପ୍ କଦଳୀ, କ୍ଷୀର ପିଇବା ଲାଭଦାୟକ ହୋଇପାରେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
