କୂଆଲାଲୁମ୍ପୁର: ମାଲେସିଆରୁ ଭାରତ ଅଭିମୁଖେ ବାହାରିଛନ୍ତି 177 ଭାରତୀୟ । ଲକଡାଉନ ଯୋଗୁଁ ଏମାନେ ସେଠାରେ ଫସି ରହିଥିଲେ । କ୍ବାଲାଲାମପୁରରୁ ତାମିଲନାଡୁର ତ୍ରିଚି ଅଭିମୁଖେ ଏମାନେ ବାହାରିଛନ୍ତି ।
କ୍ବାଲାଲାମପୁରରେ ଥିବା ଭାରତୀୟ ହାଇକମିଶନ ଟ୍ବିଟରରେ ଏହି ସୂଚନା ଦେଇଛନ୍ତି । ଶନିବାର ସନ୍ଧ୍ୟାରେ ଏହି ଯାତ୍ରା ଆରମ୍ଭ ହୋଇଛି । ବନ୍ଦେ ଭାରତ ମିଶନ ଅଧୀନରେ ଏୟାର ଇଣ୍ଡିଆ ବିମାନରେ ଏମାନେ ଫେରିଛନ୍ତି । ଏଥିପାଇଁ ମାଲେସିଆ ସରକାରଙ୍କୁ ଧନ୍ୟବାଦ ଜଣାଇଛନ୍ତି ଭାରତୀୟ ହାଇକମିଶନ ।
ମେ 7ରୁ ସପ୍ତାହେ ବ୍ୟାପୀ ସରକାର ବିଦେଶରେ ଫସିଥିବା ଭାରତୀୟଙ୍କୁ ଫେରିବାର ଯୋଜନା କରିଛନ୍ତି । ଏଥିପାଇଁ ଏୟାର ଇଣ୍ଡିଆ 64ଟି ବିମାନ ଚଲାଇବ ବୋଲି କେନ୍ଦ୍ର ସରକାର ସୂଚନା ଦେଇଛନ୍ତି । ଏଥିରେ ପ୍ରାୟ 15 ହଜାର ଭାରତୀୟ ଫେରିବେ ବୋଲି ଜଣାପଡିଛି ।
