ହାଇଦ୍ରାବାଦ: କୋରୋନା ପ୍ରକୋପରେ ବନ୍ଦ ପଡିଛି ଭାରତବର୍ଷ । ଗତ ମାର୍ଚ୍ଚ 24 ତାରିଖ ମଧ୍ୟରାତ୍ରରୁ ଆରମ୍ଭ ହୋଇ 21 ଦିନ ପାଇଁ ଲକଡାଉନ ହୋଇଛି ଦେଶ । ଏହାର ତୁରନ୍ତ ପରେ ସେଲୁଲାର ଅପରେଟର ଆସୋସିଏସନ ଅଫ ଇଣ୍ଡିଆ(ସିଓଏଆଇ) ଘୋଷଣା କଲା କର୍ମଜୀବୀଙ୍କ ପାଇଁ ‘ୱାର୍କ ଫ୍ରମ ହୋମ’। ସାମାଜିକ ଦୂରତ୍ବକୁ ବଜାୟ ରଖିବା ପାଇଁ ଅଧିକାଂଶ କର୍ମଜୀବୀଙ୍କର ଏବେ ‘ୱାର୍କ ଫ୍ରମ ହୋମ’ । ଏମିତିରେ ଇଣ୍ଟରନେଟର ବହୁଳ ବ୍ୟବହାର ହେଉଥିବା ବେଳେ ଅନେକଙ୍କର ଆସୁଛି ଗୋଟିଏ ଅଭିଯୋଗ ।
ୱାଇଫାଇ ଓ ଲ୍ୟାନ କନେକ୍ସନ ତୁଳନାରେ ଫୋନ ଡାଟା ବା ଇଣ୍ଟରନେଟର ସ୍ପିଡ କମ ଅନେକଙ୍କ ପାଇଁ ସାଜିଛି ୱାର୍କିଂ ଫ୍ରମ ହୋମର ମୁଖ୍ୟ ବାଧକ । ତେବେ ଏହି ୱାର୍କ ଫ୍ରମ ହୋମ ପାଇଁ ବିଗତ କିଛି ଦିନ ମଧ୍ୟରେ ସିଓଏଆଇ 30 ପ୍ରତିଶତ ଅଧିକ ଡାଟା ବ୍ୟବହାରର ସୂଚନା ଦେଇସାରିଛି । ଏନେଇ କେତେକ ଓଟିଟି(ଓଭର-ଦି-ଟପ୍) ସର୍ଭିସ ମଧ୍ୟ ନିଜ ଷ୍ଟ୍ରିମିଂ କ୍ବାଲିଟିକୁ କମାଇ 480ପିକ୍ସେଲ ଓ ଷ୍ଟାଣ୍ଡାର୍ଡ ଡେଫିନିସନକୁ ଏଚଡିରୁ 4କେ(4K) କରିଥିବା ଜଣା ପଡିଛି ।
ତେବେ ଆପଣ ଦୈନନ୍ଦିନ ଭାବେ କେଉଁ ଆପ୍ରେ କେତେ ଇଣ୍ଟରନେଟ ବ୍ୟବହାର କରୁଛନ୍ତି ତାହା ରେକର୍ଡ କରିବା ପାଇଁ ଆପଣାନ୍ତୁ ଏହି ଗାଇଡଲାଇନ :
ଯଦି ଆପଣ ନିଜ ସ୍ମାର୍ଟଫୋନରୁ ଡାଟା ବ୍ୟବହାର କରୁଥାନ୍ତି, ତେବେ ସ୍ମାର୍ଟଫୋନରୁ ହିଁ ଆପଣ ନିଜ ଡାଟା ଖର୍ଚ୍ଚକୁ ମନିଟର କରିପାରିବେ । ଏନେଇ ଆଣ୍ଡ୍ରଏଡ ବ୍ୟବହାରକାରୀମାନେ ସେଟିଂରେ କନେକ୍ସନ ଅପ୍ସନକୁ ଯାଇ ସେଠାରେ ଡାଟା ୟୁସେଜରେ ମନିଟର କରିପାରିବେ । ସେହିପରି ଆଇଓଏସ ବ୍ୟବହାରକାରୀମାନେ ମୋବାଇଲ ନେଟୱାର୍କ ସେକ୍ସନରେ ଯାଇ ଡାଟା ୟୁସେଜକୁ ମନିଟର କରିପାରିବେ ।
ସେହିପରି ଯଦି ଆପଣ ଲାପଟପ୍ରେ ଡାଟା ଖର୍ଚ୍ଚ ମନିଟର କରିବାକୁ ଚାହୁଁଛନ୍ତି ତେବେ ସେଟିଂରେ ଥିବା ନେଟୱାର୍କ ଓ ଇଣ୍ଟରନେଟକୁ ଯାଆନ୍ତୁ । ସେଠାରେ ଡାଟା ୟୁସେଜେସ ଓ ପରେ ‘ଚେକ ୟୁସେଜ ବାଇ ଆନ ଆପ’ ଅପ୍ସନକୁ ଯାଇପାରିବେ । ମ୍ୟାକ ୟୁଜର୍ସ ସମାନଭାବେ ଆକ୍ଟିଭିଟି ମନିଟରକୁ ଯାଇ ନେଟୱାର୍କ ଟ୍ୟାବରୁ ଡାଟା ୟୁସେଜକୁ ମନିଟର କରିପାରିବେ ।
ଡାଟା ୟୁସେଜ କମାଇବା ପାଇଁ କିଛି ଟିପ୍ସ:
- ଡାଟା ବ୍ୟବହାରକୁ କମାଇବା ପାଇଁ ପ୍ରଥମେ ନିଜ ଷ୍ଟ୍ରିମିଂ କ୍ବାଲିଟିକୁ କମାନ୍ତୁ । ଏଥିସହ ଅଟୋମେଟିକ ପ୍ଲେ ଫିଚରକୁ ମଧ୍ୟ ଫେସବୁକ, ୟୁଟ୍ୟୁବ ଓ ଅନ୍ୟ ଆପ୍ରୁ ଅଫ କରନ୍ତୁ ।
- ଯଦି ଆପଣଙ୍କର ଇଣ୍ଟରନେଟରେ ମାତ୍ରାଧିକ କାର୍ଯ୍ୟ ରହୁଛି, ତେବେ ଆପଣ ଡାଟା ସେଭର ଅପ୍ସନକୁ ଆକ୍ଟିଭେଟ କରିପାରିବେ । ଏଥିସହ ଗୁଗୁଲ କ୍ରୋମରେ ସେଟିଂରେ ଲାଇଟ ମୋଡକୁ ମଧ୍ୟ ଆପଣ ସ୍ବିଚ କରିପାରିବେ ।
- ଆପଣ ନିଜ ସ୍ମାର୍ଟଫୋନରେ ଡାଟା ସେଭର ଅପ୍ସନକୁ ସେଟିଂ- କନେକ୍ସନ- ଡାଟା ୟୁସେଜ- ଡାଟା ସେଭରରେ ପାଇପାରିବେ ।
