ବୈଶାଲି : ବିହାରର ବୈଶାଲି ଜିଲ୍ଲା ଭଗବାନପୁର ଥାନା ଅନ୍ତର୍ଗତ ବିହାରୀ ଗ୍ରାମରେ ଦେଖିବାକୁ ମିଳିଛି ଏକ ଲଜ୍ୟାଜନକ ଘଟଣା । ଜଣେ ମହିଳା ଏବଂ ତାଙ୍କ ଝିଅକୁ ଦୁଷ୍କର୍ମ କରିବାକୁ ଆସିଥିବା ଯୁବକଙ୍କୁ ରୋକିବାରୁ ମା’ ଝିଅକୁ ଲଣ୍ଡା କରାଯିବା ସହ ଗାଁରେ ଉଲଗ୍ନ କରି ବୁଲାଯାଇଥିବା ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ଇଟିଭି ଭାରତ, ବ୍ୟୁରୋ
ତେବେ ଏହି ଘଟଣାରେ ଗ୍ରାମବାସୀ ହସ୍ତକ୍ଷେପ ନ କରିବା ସହ ଯୁବକମାନଙ୍କୁ ଅଟକାଇବାକୁ ମଧ୍ୟ ଚେଷ୍ଟା କରିନଥିଲେ । ଏହି ଘଟଣା ପରେ ମା’ ଝିଅ ଭଗବାନପୁର ଥାନାରେ ପହଁଞ୍ଚି ଏହି ଘଟଣା ସମ୍ପର୍କରେ ଅଭିଯୋଗ କରିଥିଲେ । ପୀଡିତାଙ୍କ ଅଭିଯୋଗକ୍ରମେ ପୋଲିସ ଗାଁରେ ପହଁଞ୍ଚି ଜଣେ ଅଭିଯୁକ୍ତକୁ ଗିରଫ କରିଥିବା ବେଳେ ଲଣ୍ଡା କରିଥିବା ବ୍ୟକ୍ତିଙ୍କୁ ଥାନାରେ ଅଟକ ରଖି ପଚରା ଉଚରା ଜାରି ରଖିଛି ।
ବିହାରୀ ଗ୍ରାମର ବାସିନ୍ଦା ମହମ୍ମଦ ଅବାସଙ୍କ ପତ୍ନୀ ସେରମ ନିଶା ଏବଂ ତାଙ୍କ ଝିଅ ସକିନ ଖାତୁନ୍ ଘରେ ଏକୁଟିଆ ରୁହନ୍ତି । ସେମାନେ ଭିକ୍ଷା ବୃତ୍ତି କରି ପେଟ ପୋଷିଥାନ୍ତି ।
