ଲକ୍ଷ୍ନୌ: ବଲିଉଡ ଗାୟିକା କନିକାଙ୍କ କୋରୋନା ପଜେଟିଭ ରିପୋର୍ଟ ଆସିବା ପରେ ଏହାକୁ ନେଇ ଦେଶରେ ଆଲୋଚନା ଓ ସମାଲୋଚନା ଜାରି ରହିଛି । ଏହାର କାରଣ କନିକା ପ୍ରଥମେ ତାଙ୍କୁ କୋରୋନା ସଂକ୍ରମିତ ହୋଇଥିବା ରିପୋର୍ଟକୁ ଲୁଚାଇଥିଲେ ଓ ଲକ୍ଷ୍ନୌ ଆସି ପାର୍ଟି କରିଥିଲେ । ଏବେ ଏହାକୁ ନେଇ ବିଜେପି ବିଧାୟକ ନନ୍ଦକିଶୋର ଗୁର୍ଜରଙ୍କ ବଡ ବୟାନ । ସେ କହିଛନ୍ତି କନିକା ସୁସ୍ଥ ହେଲା ପରେ ତାଙ୍କୁ ଗିରଫ କରାଯାଉ ।
ବିଜେପି ବିଧାୟକ ନନ୍ଦକିଶୋର ଗୁର୍ଜର କହିଛନ୍ତି ଯେ ତାଙ୍କୁ ଗିରଫ କରାଯିବା ଉଚିତ ଏବଂ ତାଙ୍କ ଉପରେ ଏନଏସଏ ଲାଗୁ କରାଯିବା ଉଚିତ । ତାଙ୍କ ବିରୋଧରେ ଜାତୀୟ ସୁରକ୍ଷା ଆଇନ ବା ଏନଏସଏ ଲାଗୁ କରାଯିବା ସହ ବିମାନ ବନ୍ଦର କର୍ତ୍ତୃପକ୍ଷ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସେ ଦାବି କରିଛନ୍ତି ।
ନନ୍ଦକିଶୋର ଏହି ମାମଲାରେ ବିମାନବନ୍ଦର କର୍ତ୍ତୃପକ୍ଷଙ୍କ ଉପରେ ବଡ଼ ପ୍ରଶ୍ନ ଉଠାଇଛନ୍ତି । ବିମାନବନ୍ଦରରେ ସ୍କ୍ରିନିଂ ଉପରେ ପ୍ରଶ୍ନ କରି ସେ କହିଛନ୍ତି ଯେ ଏଥିପାଇଁ ବିମାନବନ୍ଦର କର୍ତ୍ତୃପକ୍ଷ ମଧ୍ୟ ସମ୍ପୂର୍ଣ୍ଣ ଦାୟୀ।
ଏହା ବ୍ୟତୀତ କାନିକା ଚରମ ଅବହେଳା କରିଛନ୍ତି ଏବଂ ଚିକିତ୍ସା ପରେ ତାଙ୍କୁ ଦଣ୍ଡ ଦିଆଯିବା ଉଚିତ ବୋଲି ସେ କହିଛନ୍ତି । ଏନଏସଏସ ଅନୁସରଣ କରୁଥିବାବେଳେ ତାଙ୍କୁ ଗିରଫ କରାଯିବା ଉଚିତ।
ସେ ଆହୁରି ମଧ୍ୟ କହିଛନ୍ତି ଯେ, କନିକା ଏଭଳି କରିବା ପାଇଁ ଷଡଯନ୍ତ୍ର କରିଛନ୍ତି । ଉତ୍ତରପ୍ରଦେଶ କରୋନା ବିସ୍ତାର କରିବାକୁ ଚେଷ୍ଟା କରିବା ପାଇଁ ସେ ପ୍ରସାୟ କରିବା କଥା ମଧ୍ୟ କହିଛନ୍ତି । ତେଣୁ ତାଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ ।
ବ୍ୟୁରୋ ଇନପୁଟ, ଇଟିଭି ଭାରତ
