ଭୋପାଳ: ମୁଖ୍ୟମନ୍ତ୍ରୀ ଥାଇ ଟ୍ରେନରେ ଯାତ୍ରା କରି ହେଉ କିମ୍ବା ଷ୍ଟେସନରେ ସିଙ୍ଗଡା ଖାଇ ନିଜ ଭିନ୍ନ ଅନ୍ଦାଜ ପାଇଁ ସର୍ବଦା ଚର୍ଚ୍ଚାରେ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ । ସେ ଏବେ ମୁଖ୍ୟମନ୍ତ୍ରୀ ନାହାଁନ୍ତି ହେଲେ ତାଙ୍କର ଚିନ୍ତାଧାରା ଆଜି ବି ବଦଳିନାହିଁ । ପୁଣି ଥରେ ନିଜ ଭିନ୍ନ ଅନ୍ଦାଜ ପାଇଁ ଚର୍ଚ୍ଚାକୁ ଆସିଛନ୍ତି । ବିଦିଶାରୁ ଭୋପାଳ ଟ୍ରେନରେ ଫେରୁଥିବାବେଳେ ଶିବରାଜ ନିଜ ସାଥୀ ଯାତ୍ରୀଙ୍କ ସହ ଭଜନ ଗାଇଛନ୍ତି । ଯାହାର ଏକ ଭିଡିଓ ଏବେ ସାମନାକୁ ଆସିଛି ।
ଭିଡିଓ ସୌଜନ୍ୟ: ଇଟିଭି ବ୍ୟୁରୋ
ଉକ୍ତ ଭିଡିଓରେ ଶିବରାଜ ଗୀତ ଗାଉଥିବାବେଳେ ଅନ୍ୟ ଯାତ୍ରୀମାନେ ତାଙ୍କ ଗୀତରେ ତାଳ ମିଶାଇ ଗୀତ ଗାଉଛନ୍ତି । ସେ ଅତ୍ୟନ୍ତ ଭାବ ଓ ଭକ୍ତିପୂର୍ଣ୍ଣ ଭାବେ ଗୀତ ଗାଉଥିବା ଭିଡିଓରେ ଦେଖିବାକୁ ମିଳିଛି । ବିଜେପି ସାଂସଦ ରମାକାନ୍ତ ଭାର୍ଗବା ଏହି ଭିଡିଓରେ ଉପସ୍ଥିତ ଅଛନ୍ତି ।
