ନୂଆଦିଲ୍ଲୀ: ଆଜି (ଶୁକ୍ରବାର) ସୁପ୍ରିମକୋର୍ଟରେ ଲକଡାଉନ ଅବଧି ମଧ୍ୟରେ କର୍ମଚାରୀମାନଙ୍କୁ ପୂର୍ଣ୍ଣ ଦରମା ଦେବା ପ୍ରସଙ୍ଗରେ ଏକ ଗୁରୁତ୍ବପୂର୍ଣ୍ଣ ଶୁଣାଣି କରାଯିବ । 54 ଦିନ ମଧ୍ୟରେ କର୍ମଚାରୀଙ୍କୁ ପୂର୍ଣ୍ଣ ବେତନ ଦେବା ପାଇଁ ଗୃହମନ୍ତ୍ରଣାଳୟର ପକ୍ଷରୁ ଜାରି ନିର୍ଦ୍ଦେଶାନାମାକୁ ବିରୋଧ କରି ଏକାଧିକ ଘରୋଇ କମ୍ପାନୀ ଏହି ପିଟିସନ ଦାଖଲ କରିଥିଲେ ।
ପୂର୍ବରୁ ଜୁନ 4ତାରିଖରେ ସୁପ୍ରିମକୋର୍ଟରେ କର୍ମଚାରୀଙ୍କ ଦରମା ସଂକ୍ରାନ୍ତୀୟ ଏକ ଶୁଣାଣି ହୋଇଥିଲା । ଏଥିରେ କର୍ମଚାରୀ ଓ ନିଯୁକ୍ତିଦାତା ମଧ୍ୟରେ 54 ଦିନ ଲକଡାଉନ ଅବଧିର ଦରମା ସଂକ୍ରାନ୍ତରେ ବୁଝାମଣା ପାଇଁ କୁହାଯାଇଥିଲା ।
ଜଷ୍ଟିସ ଅଶୋକ ଭୂଷଣଙ୍କ ନେତୃତ୍ବରେ ଜଷ୍ଟିସ ସଞ୍ଜୟ କିଶନ କୌଲ ଓ ଏମ ଆର ଶାହଙ୍କୁ ନେଇ ଗଠିତ ଖଣ୍ଡପୀଠ ଏହି ମାମଲାର ଶୁଣାଣି କରିଥିଲେ । ଏଥିରେ କେତେକ ପିଟିସନର ଶୁଣାଣି ହୋଇଥିବା ବେଳେ ଅନ୍ୟ ପିଟିସନର ଆଜି ଶୁଣାଣି କରାଯିବ ।
@ANI
