ମଧ୍ୟପ୍ରଦେଶ: ସାତନାରେ ଗୁଳିମାଡ । ଦୁଇ ଜଣ ମହିଳା ମୃତ। କିଛି ଅଜଣା ଲୋକ ମଧ୍ୟପ୍ରଦେଶର ସାତନା ନିକଟସ୍ଥ ସିତପୁରାଠାରେ ତିନି ଜଣଙ୍କୁ ଗୁଳି କରିଥିଲେ । ଘଟଣା ସ୍ଥଳରେ 2 ଜଣ ମହିଳାଙ୍କ ମୃତ୍ୟୁ ଘଟିଛି ।
ଭିଡିଓ ସୌଜନ୍ୟ: ବ୍ୟୁରୋ ଇନପୁଟ
ସୂଚନା ଅନୁଯାୟୀ, ଗତ ବିଳମ୍ବିତ ରାତ୍ରିରେ ନାଗୌଦ ଥାନାରେ ପାଖରେ ଥିବା ସିତପୁରାଠାରେ କିଛି ଅଜଣା ବ୍ୟକ୍ତି ତିନିଜଣ ଲୋକଙ୍କ ଉପରେ ଆଖି ବୁଜା ଗୁଳି ଚଳାଇଥିଲେ । ଏହି ଘଟଣାରେ ଦୁଇ ଜଣ ମହିଳାଙ୍କ ମୃତ୍ୟୁ ହୋଇଥିବା ବେଳେ ଢାବା ମାଲିକ ଗୁରୁତର ଆହତ ହୋଇଛନ୍ତି । ତେବେ ଆହତ ଢାବା ମାଲିକଙ୍କୁ ନିକଟସ୍ଥ ମେଦିକାଲରେ ଭର୍ତ୍ତି କରାଯାଇଛି । ତେବେ ଏପର୍ଯ୍ୟନ୍ତ ଘଟଣାର ପ୍ରକୃତ କାରଣ ଅସ୍ପଷ୍ଟ ।
ଏପଟେ ଘଟଣା ଜଣାପଡିବା ପରେ ନାଗୌଦ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ମୃତକ ମହିଳାମାନେ ହେଲେ ମାୟା ଜୋଶୀ, ଚମ୍ପା ଜୋଶୀ । ଆହତ ଜଣଙ୍କ ଢାବା ମାଲିକ ଅଙ୍ଗଦ ଜୋଶୀ ବୋଲି ଜଣାପଡିଛି ।
