ରାଞ୍ଚି: ଗୁରୁ ଦିବସରେ ଭାରତର ସର୍ବପ୍ରଥମ ଉପରାଷ୍ଟ୍ରପତି ଡା.ସର୍ବପଲ୍ଲୀ ରାଧାକ୍ରିଷ୍ଣନଙ୍କୁ ଦେଶବ୍ୟାପୀ ଶ୍ରଦ୍ଧାଞ୍ଜଳୀ ଜ୍ଞାପନ କରାଯାଉଛି । ଏହି ଅବସରରେ ଝାଡଖଣ୍ଡର ଚନ୍ଦନାକିୟାରୀର ବାଲୁକା ଶିଳ୍ପୀ ଅଜୟ ଶଙ୍କର ମାହତୋ ବାଳୁକା କଳାରେ ଭାରତ ରତ୍ନ ଡା.ରାଧାକ୍ରୀଷ୍ଣନଙ୍କ ମୂର୍ତ୍ତି ତିଆରି କରି ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ।
ଶୀଲଫୋର ଗାଁର ଦାମୋଦର ନଦୀ କୂଳରେ ସେ ରାଧାକ୍ରୀଷ୍ଣନଙ୍କ ମୂର୍ତ୍ତି ତିଆରି କରିଛନ୍ତି । ଏହାକୁ ଦେଖିବା ପାଇଁ ଅନେକ ଲୋକଙ୍କ ଭିଡ ଜମିଥିଲା । ଏ ସମ୍ପର୍କରେ ମତ ରଖି ଅଜୟ କହିଛନ୍ତି ଯେ, ପୂଜାପର୍ବାଣୀ, ଜାତୀୟ ଏବଂ ଅନ୍ତର୍ଜାତୀୟ ଦିବସରେ ସେ ଅନେକ ବାଲୁକା ମୂର୍ତ୍ତି ତିଆରି କରିଥାନ୍ତି । ତାଙ୍କର ଏହି କଳାକୃତିକୁ ଦେଖିବାପାଇଁ ଅନେକ ଲୋକଙ୍କ ଆଗମନ ହୋଇଥାଏ ।
ସେପ୍ଟେମ୍ବର 5, ଆଜି ଦିନଟି ଭାରତର ପ୍ରଥମ ଉପରାଷ୍ଟ୍ରପତି ଡା. ସର୍ବପଲ୍ଲୀ ରାଧାକ୍ରୀଷ୍ଣନଙ୍କ ଜନ୍ମ ଦିନ । ତାଙ୍କ ଜନ୍ମଦିନକୁ ପାଳନ କରିବା ପାଇଁ ଛାତ୍ର ମାନେ କହିଥିଲେ । କିନ୍ତୁ ସେ ମନାକରି କହିଥିଲେ ଯେ, ମୋ ଜନ୍ମ ଦିନ ପାଳନ କରିବା ଅପେକ୍ଷା ଏହି ଦିନକୁ ଗୁରୁ ଦିବସ ରୂପେ ପାଳନ କଲେ ବହୁତ ଭଲ ହେବ । ସେହିଦିନ ଠାରୁ ଏହି ଦିନକୁ ଗୁରୁ ଦିବସ ଭାବେ ପାଳନ କରାଯାଉଛି।
