ହାଇଦ୍ରାବାଦ: ସୋମବାର ବିଧିବଦ୍ଧ ଭାବେ ସାମସଙ୍ଗ ଏହାର ନୂଆ ଲଞ୍ଚିଂକୁ ନେଇ ଖୁଲାସା କରିଛି । ଖୁବଶୀଘ୍ର ଲଞ୍ଚ ହେବାକୁ ଯାଉଛି କମ୍ପାନୀର ମିଡ ରେଞ୍ଜ ସ୍ମାର୍ଟଫୋନ ଗ୍ୟାଲାକ୍ସି A31 । ଏହା ଜୁନ 4ରେ ଲଞ୍ଚ ହେବା ନେଇ କମ୍ପାନୀ ସୋମବାରର ଘୋଷଣାରେ ସ୍ପଷ୍ଟ କରିଛି । ଏହି ଫୋନରେ କ୍ବାଡ କ୍ୟାମେରା ସେଟିଂ ସହ 48 ଏମପି ମେନ ସେନ୍ସରର ରିଅର କ୍ୟାମେରା ରହିବ ।
ଫୋନଟିରେ 6.4ଇଞ୍ଚର ସୁପର ଆମୋଲେଡ ଡିସପ୍ଲେ ରହିବା ସହ ବ୍ୟାଟେରୀ ବ୍ୟାକଅପ୍ 5000ଏମଏଏଚର ରହିବ । ତେବେ ଚାର୍ଜିଂ ପାଇଁ 15 ୱାଟ୍ ଫାଷ୍ଟ ଚାର୍ଜର ସୁବିଧା ରହିବା ନେଇ କମ୍ପାନୀ ଏକ ଟିଜରରେ ସ୍ପଷ୍ଟ କରିଛି । କମ୍ପାନୀର ସୂଚନା ମୁତାବକ ଫୋନଟି ଭାରତରେ ମିଡିଆଟେକ ଅକ୍ଟାକୋର ପ୍ରୋସେସର ଦ୍ବାରା ପରିଚାଳିତ ହେବ । ଯାହାର ମୂଲ୍ୟ ପାଖାପାଖି 23,000 ରହିବ ।
ଗ୍ୟାଲାକ୍ସି A31ର ମାତ୍ର ଗୋଟିଏ ଭର୍ସନ ଅର୍ଥାତ 6,128 ଜିବିର ଭର୍ସନ ଉପଲବ୍ଧ ହେବା ନେଇ ସୂଚନା ରହିଛି । ସେପଟେ ସ୍ମାର୍ଟଫୋନଟିର ଫ୍ରଣ୍ଟରେ 20 ଏମପିର କ୍ୟାମେରା ରହିବ । ଏହି ଫୋନ କମ୍ପାନୀର ସମସ୍ତ ଅନଲାଇନ ଓ ଅଫଲାଇନ ପ୍ଲାଟଫର୍ମ ସମେତ ଇ-କମର୍ସ ପ୍ଲାଟଫର୍ମରେ ମଧ୍ୟ ଖୁବଶୀଘ୍ର ଉପଲବ୍ଧ ହେବ । ଏହା ଭାରତରେ ଲଞ୍ଚ ହେବାକୁ ଥିବା A ସିରିଜର ତୃତୀୟ ସଂସ୍କରଣ ହେବ ।
@IANS
