ନୂଆଦିଲ୍ଲୀ: ସୁପ୍ରିମକୋର୍ଟଙ୍କ 9 ଜଣିଆ ଖଣ୍ଡପୀଠ ଆଜି ସାବରୀମାଳା ସହ ଯୋଡିତ ମାମଲାର ଫୈସଲା ଶୁଣାଇଛନ୍ତି । ସୋମବାର କୋର୍ଟ ପକ୍ଷରୁ କୁହାଯାଇଛି ଯେ ପୁନଃବିଚାର ପାଇଁ ଯେଉଁ ଆବେଦନ କରାଯାଇଥିଲା ସେସବୁ ବଡ଼ ବେଞ୍ଚକୁ ପଠାଯିବ । ଏହାସହ ସୁପ୍ରିମକୋର୍ଟରେ ଫେବୃଆରୀ 17 ତାରିଖଠାରୁ ପ୍ରତି ସପ୍ତାହରେ 5 ଦିନ ଧରି ସାବରୀମାଳା ମାମଲାର ଶୁଣାଣି ହେବ । ବିଭିନ୍ନ ଧର୍ମର ଧାର୍ମିକ ସ୍ବତନ୍ତ୍ରତାକୁ ନେଇ ଉଠାଯାଇଥିବା ପ୍ରଶ୍ନକୁ ମଧ୍ୟ ନିଶ୍ଚିତ କରାଯାଇଛି ଯାହାର ଶୁଣାଣି ହେବ ବୋଲି କହୁଯାଉଛି ।
ସେହିପରି ସୁପ୍ରିମକୋର୍ଟଙ୍କ କହିବା କଥା ହେଲା, ସପ୍ତାହକୁ 5 ଦିନ ଶୁଣାଣି ହେବାକୁ ଥିବା ଏହି ସାବରୀମାଳା ମାମଲାରେ ପ୍ରତ୍ୟେକ ଓକିଲ ନିଜ ନିଜ ପ୍ରସଙ୍ଗ ବାଛିନେବେ ଏବଂ ସେ ନିଷ୍ପତ୍ତି ନେବେ, କାହା ସପକ୍ଷରେ ଓ କେଉଁ ପ୍ରସଙ୍ଗରେ ଲଢିବେ ।
ଏଥିପୂର୍ବରୁ ଫେବୃଆରୀ 6 ତାରିଖରେ ସୁପ୍ରିମକୋର୍ଟରେ ପୁନଃବିଚାର ଉପରେ ବିଚାର କରିବା ପାଇଁ ଯାଚିକା ଦାଖଲ କରାଯାଇଥିଲା । ଏଥିରେ ଏବେ ପ୍ରଶ୍ନ ଉଠୁଛି ଯେ କୋର୍ଟ ଶୁଣାଣିର ଦାୟର ବଢାଇ ବିଭିନ୍ନ ଧର୍ମର ମହିଳାଙ୍କ ଭେଦଭାବର ପ୍ରସଙ୍ଗ ବଡ଼ ବେଞ୍ଚରେ ପଠାଯିବ କି ନାହିଁ । ଏହି ପ୍ରଶ୍ନର ନିଷ୍ପତ୍ତିକୁ 9 ଜଣିଆ ଖଣ୍ଡପୀଠ ସୁରକ୍ଷିତ ରଖିଛନ୍ତି । ଏହାର ଶୁଣାଣି ଆଜି ହେବାର ବହୁ ସମ୍ଭାବନା ରହିଛି ।
