ପାଟନା: ବିହାରରେ ବର୍ତ୍ତମାନ ପୋଷ୍ଟର ୱାର ଦେଖିବାକୁ ମିଳୁଛି । ମୁଖ୍ୟମନ୍ତ୍ରୀ ତଥା ଜେଡିୟୁ ସୁପ୍ରିମୋ ନୀତିଶ କୁମାରଙ୍କୁ ପୋଷ୍ଟର ମାଧ୍ୟମରେ ଟାର୍ଗେଟ କରିଛି ବିରୋଧ ଆରଜେଡି । ଏନେଇ ବିରୋଧି ଦଳ ପକ୍ଷରୁ ଲଗାଯାଇଥିବା ପୋଷ୍ଟରରେ ମୁଖ୍ୟମନ୍ତ୍ରୀ ଚେୟାର ପଛପଟେ ଲୁଚିଥିବାର ଦେଖିବାକୁ ମିଳିଛି ।
ଏହା ସହ ପୋଷ୍ଟରେ ଖାଦ୍ୟ, ରୋଜଗାର, ଶିକ୍ଷା, ବିକାଶ, ସୁରକ୍ଷା, ସ୍ବାସ୍ଥ୍ୟ, ନ୍ୟାୟ କେଉଁଠି ବୋଲି ପ୍ରଶ୍ନ କରାଯାଇଛି । ଶନିବାର ଜେଡିୟୁ ପକ୍ଷରୁ ମଧ୍ୟ ପାଟନାରେ ଏକ ପୋଷ୍ଟର ଲାଗିଥିଲା । ଯେଉଁଥିରେ ଆରଜେଡି ସୁପ୍ରିମୋ ଲାଲୁ ଯାଦବଙ୍କୁ ଟାର୍ଗେଟ କରାଯାଇଥିଲା ।
ବିହାରରେ ଆରଜେଡି ଓ ଡେଡିୟୁ ମଧ୍ୟରେ ପୋଷ୍ଟର ଲଢେଇ ନୂଆ ନୁହେଁ । ଗତ ବର୍ଷ ପ୍ରାରମ୍ଭରେ ଜେଡିୟୁ ପୋଷ୍ଟର ୱାର ଆରମ୍ଭ କରିଥିଲା । ବିହାର ରାଜନୀତିରେ ପାରମ୍ପରିକ ପ୍ରତିଦ୍ୱନ୍ଦୀ କୁହାଯାଉଥିବା ଜେଡିୟୁ-ଆରଜେଡି ଦୁହେଁ ପରସ୍ପରକୁ ଟାର୍ଗେଟ କରିବା ପାଇଁ ସବୁବେଳେ ପୋଷ୍ଟର ୱାର କରିଥାନ୍ତି ।
ଗତ 2019ରେ ଲଗାଯାଇଥିବା ପୋଷ୍ଟରରେ ଆରଜେଡିର 15 ବର୍ଷର କାର୍ଯ୍ୟର ତୁଳନା ନୀତିଶ କୁମାରଙ୍କ 15 ବର୍ଷର କାମ ସହ କରାଯାଇଥିଲା ।
