ମୁମ୍ବାଇ: ମହାରାଷ୍ଟ୍ରରେ ନିସର୍ଗର ତାଣ୍ଡବ ରୂପ । ଏହି ଝଡ ମୁମ୍ବାଇର ଅଲିବାଗରେ ଲ୍ୟାଣ୍ଡଫଲ କରିଛି । ଫଳରେ ଘଣ୍ଟାକୁ 100 ରୁ 120 କିମି ବେଗରେ ପବନ ବୋହୁଛି । ଏହାର ପ୍ରଭାବରେ ମୂଷଳ ଧାରାରେ ବର୍ଷା ମଧ୍ୟ ଜାରି ରହିଛି । ତଳିଆ ଅଞ୍ଚଳବାସୀଙ୍କୁ ବାତ୍ୟା ଆଶ୍ରୟସ୍ଥଳୀକୁ ନିଆଯାଇଛି ।
କୋଙ୍କଣ ଉପକଳରେ ନସର୍ଗର ପ୍ରଭାବ, ବିପଦରେ ସହସହ ପକ୍ଷୀ
ଏହି ଘୂର୍ଣ୍ଣିବଳୟର ପ୍ରଭାବ କୋଙ୍କଣ ଉପକୂଳରେ ମଧ୍ୟ ପଡିଛି । ଫଳରେ ଅନେକ ସ୍ଥାନରେ କ୍ଷୟକ୍ଷତି ଘଟିଛି । ମୁଶଳ ଧାରା ବର୍ଷା ଯୋଗୁଁ ଅନେକ ପକ୍ଷୀ ଭାସି ଯାଇଥିବାବେଳେ, କେତେକ ପକ୍ଷୀ ମଧ୍ୟ ପବନରେ ଉଡିଯାଇଛନ୍ତି । ଆକାଶରେ ରାଜତ୍ୱ କରୁଥିବା ଚିଲ ଓ ଛଞ୍ଚାଣ ମଧ୍ୟ ଏଥିରୁ ବର୍ତ୍ତି ପାରି ନାହାନ୍ତି ।
ଏହା ବ୍ୟତୀତ ରତ୍ନଗିରି ନିକଟ ଭାଟି ଗ୍ରାମରେ ମଧ୍ୟ ବାତ୍ୟା ଅନେକ କ୍ଷୟକ୍ଷତି ଘଟାଇଛି । ସ୍ଥାନୀୟ ଲୋକ ଭାସି ଆସିଥିବା ପକ୍ଷୀ ମାନଙ୍କୁ ଉଠାଇ ଏକ ସୁରକ୍ଷିତ ସ୍ଥାନରେ ରଖିଥିଲେ। ସେମାନଙ୍କ ଅବସ୍ଥା ଗମ୍ଭୀର ଥିବା ସତ୍ତ୍ବେ ପକ୍ଷୀଗୁଡିଙ୍କ ଦେହରୁ ପାଣି ଛାଡିବା ପରେ ଓ ସେମାନେ ଟିକିଏ ଆରାମ ପାଇବା ପରେ ଉଡିଯାଇଛନ୍ତି ।
