ନୂଆଦିଲ୍ଲୀ: ଆସନ୍ତାକାଲି (ରବିବାର) ତୃତୀୟ ଥର ପାଇଁ ରାଜ୍ୟ ଭାର ସମ୍ଭାଳିବେ ଅରବିନ୍ଦ କେଜ୍ରିୱାଲ । ତାଙ୍କର କ୍ୟାବିନେଟ ମନ୍ତ୍ରୀ ମଣ୍ଡଳର 6 ମନ୍ତ୍ରୀଙ୍କ ସହ ନେବେ ଶପଥ । ଏନେଇ ପ୍ରସ୍ତୁତ ହେଉଛି ଦିଲ୍ଲୀ ରାମଲୀଳା ମୈଦାନ । ଶୁକ୍ରବାର ରାଷ୍ଟ୍ରପତି ରାମନାଥ କୋବିନ୍ଦ ଅରବିନ୍ଦ କେଜ୍ରିୱାଲଙ୍କୁ ଦିଲ୍ଲୀର ନୂତନ ମୁଖ୍ୟମନ୍ତ୍ରୀ ଭାବେ ନିଯୁକ୍ତ କରିଛନ୍ତି ।
ଶପଥ ଗ୍ରହଣ ସମାରୋହ ପାଇଁ ରାମଲୀଳା ମୈଦାନରେ ବ୍ୟାପକ ଆୟୋଜନ ଚାଲିଛି । ପ୍ରାୟ 4 ଦିନ ହେବ ଏଠାରେ ଦିନ ରାତି ଚାଲିଛି କାମ । କେଜ୍ରିୱାଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଶପଥ ଗ୍ରହଣ ସମାରୋହରେ ସାମିଲ ରହିବାକୁ ନିମନ୍ତ୍ରଣ ପଠାଇଛନ୍ତି । ଶନିବାର ସକାଳ 10ଟାରେ ଆରମ୍ଭ ହେବ ଶପଥ ଗ୍ରହଣ ଉତ୍ସବ ।
ସୂଚନା ଅନୁସାରେ, ନିକଟରେ ଶେଷ ହୋଇଥିବା ଦିଲ୍ଲୀ ବିଧାନସଭା ନିର୍ବାଚରେ 62ଟି ଆସନରେ ବିଜୟୀ ହୋଇଥିଲା ଆମ ଆଦମୀ ପାର୍ଟି । ଏହି ନିର୍ବାଚନରେ ଭାରତୀୟ ଜନତା ପାର୍ଟିର 8 ଜଣ ପ୍ରାର୍ଥୀ ବିଜୟୀ ହୋଇଥିଲେ । କଂଗ୍ରେସ ଖାତା ବି ଖୋଲିପାରି ନଥିଲା ।
@ANI
