ନୂଆଦିଲ୍ଲୀ: ଆରପାରିରେ ବିଜେପି ସାଂସଦ ଅଶୋକ ଗସ୍ତି । ଗୁରୁବାର କୋରୋନାରେ ତାଙ୍କର ଦେହାନ୍ତ ହୋଇଛି। ସେ ଥିଲେ ବେଙ୍ଗାଲୁରୁର ନବନିର୍ବାଚିତ ରାଜ୍ୟସଭା ସାଂସଦ। ଗସ୍ତିଙ୍କ ଅକାଳ ବିୟୋଗରେ ରାଜ୍ୟସଭାରେ ଶ୍ରଦ୍ଧାଞ୍ଜଳି ଦିଆଯାଇଛି ଏବଂ ଉଚ୍ଚସଦନକୁ 30 ମିନିଟ୍ ପର୍ଯ୍ୟନ୍ତ ମୁଲତବୀ ଘୋଷଣା କରାଯାଇଛି।
"ମୁଁ ଅଶୋକ ଗସ୍ତିଙ୍କ ଦେହାନ୍ତରେ ମର୍ମାହତ । ସେ କର୍ଣ୍ଣାଟକରୁ ଗୃହର ଜଣେ ସଦସ୍ୟ ଥିଲେ। ଦେଶ ଜଣେ ଦକ୍ଷ ସାଂସଦଙ୍କୁ ହରାଇଛି" ବୋଲି ରାଜ୍ୟସଭା ଅଧ୍ୟକ୍ଷ ଏମ ଭେଙ୍କୟା ନାଇଡୁ କହିଛନ୍ତି।
ରାଜ୍ୟସଭା ସାଂସଦ ତଥା ବିଜେପିର କର୍ଣ୍ଣାଟକ ନେତା ଅଶୋକ ଗସ୍ତିଙ୍କ ଗୁରୁବାର ବେଙ୍ଗାଲୁରୁରେ ଦେହାନ୍ତ ହୋଇଛି । କୋରୋନାଭାଇରସ୍ ପାଇଁ ପଜିଟିଭ୍ ପରୀକ୍ଷା କରିବା ପରେ ତାଙ୍କୁ ମଣିପାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । 55 ବର୍ଷିୟ ଗସ୍ତି ଜୁନ୍ ମାସରେ ରାଜ୍ୟସଭାକୁ ନିର୍ବାଚିତ ହୋଇଥିଲେ ଏବଂ ଜୁଲାଇ 22, 2020ରେ ଉପର ଗୃହର ସାଂସଦ ଭାବରେ ଶପଥ ଗ୍ରହଣ କରିଥିଲେ।
