ନୂଆଦିଲ୍ଲୀ: ଦେଶରେ ଧୁମଧାମର ସହ ପାଳନ ହେଉଛି ଇଦ୍ । ଗାଁ ସହରଠାରୁ ଆରମ୍ଭ କରି ବର୍ଡର ପର୍ଯ୍ୟନ୍ତ ସବୁଠି ଉତ୍ସବର ମାହୋଲ । ଇର୍ଷା, ରାଗ, ଦ୍ବେଷ ସବୁ ଭୁଲି ଭାଇଚାରାର ପର୍ବକୁ ଖୁସୀ ଏବଂ ଉଲ୍ଲାସର ସହ ପାଳନ କରୁଛି ସମ୍ପୁର୍ଣ୍ଣ ଦେଶ । ତେବେ ନରେନ୍ଦ୍ର ମୋଦି ସରକାରଙ୍କ ମନ୍ତ୍ରୀ ମଧ୍ୟ ଆଜି ଇଦ୍ ପାଳନ କରୁଥିବା ନଜର ଆସିଛନ୍ତି ।
ଇଦ୍ ପାଳନ କରିବାକୁ କେନ୍ଦ୍ରମନ୍ତ୍ରୀ ମୁଖ୍ତାର ଆବ୍ବାସ ନକବୀଙ୍କ ବାସଭବନରେ ପହଞ୍ଚିଛନ୍ତି ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର, ରକ୍ଷାମନ୍ତ୍ରୀ ରାଜନାଥ ସିଂହ ଏବଂ ଅର୍ଥମନ୍ତ୍ରୀ ନିର୍ମଳା ସୀତାରମଣ । ତେବେ ମନ୍ତ୍ରିମଣ୍ଡଳରୁ ଅନେକ ମନ୍ତ୍ରୀ ସେଠାରେ ଯୋଗ ଦେଇଥିବା ସୂଚନା ରହିଛି ।
ସୂଚନା ଯୋଗ୍ୟ ଯେ, ମୋଦି ସରକାରଙ୍କ ଦ୍ବିତୀୟ କାର୍ଯ୍ୟକାଳରେ ମୁଖ୍ତାର ମୁସଲିମ ସମ୍ପ୍ରଦାୟରୁ ଆସିଥିବା ଏକମାତ୍ର କ୍ୟାବିନେଟ ମନ୍ତ୍ରୀ ଅଟନ୍ତି । ନକବୀଙ୍କ ଘରେ ଆଜି ଧୁମଧାମର ସହ ଇଦ୍ ପାଳନ ହେଉଛି ।
