ରାଞ୍ଚି: ଜାମସେଦପୁରର ରାଜେଶ ଶ୍ରୀବାସ୍ତବ, ବଲିଉଡ଼ର ମହାନାୟକ ତଥା ବିଗ-ବିଙ୍କ ଜଣେ ପ୍ରଶଂସକ । ସେ ଜଣେ ଏଭଳି ପ୍ରଶଂସକ, ଯାହାଙ୍କୁ ବିଗ-ବି ଦେଖା କରିବାକୁ ଚାଁହିଥାନ୍ତି । ତାଙ୍କ ସହିତ କଥା ହେବାକୁ ମଧ୍ୟ ଇଚ୍ଛା ପ୍ରକାଶ କରିଥାନ୍ତି ବିଗ-ବି । ତେବେ ବିଗ-ବିଙ୍କୁ ଭେଟିବା ପାଇଁ ରାଜେଶ କେବିସିର ଚଳିତ ସିଜନରେ ନଜର ଆସିବେ ।
ମିଳିଥିବା ସୂଚନା ମୁତାବକ ରାଜେଶ ଏହା ପୂର୍ବରୁ ମଧ୍ୟ ଅମିତାଭ ବଚ୍ଚନଙ୍କୁ ଭେଟିବା ପାଇଁ ଅନେକ ଥର ତାଙ୍କ ବଙ୍ଗଳା 'ଜଲସା'କୁ ଯାଇଛନ୍ତି । ଏହା ସହିତ କମ୍ପ୍ୟୁଟର ଶିକ୍ଷକ ରାଜେଶ ପୂର୍ବରୁ ଅନେକ ଥର କେବିସିରେ ଅଂଶ ଗ୍ରହଣ ମଧ୍ୟ କରିସାରିଛନ୍ତି । କେବିସିର ଷଷ୍ଠ, ସପ୍ତମ, ଅଷ୍ଟମ, ନବମ ଓ ଦଶମ ସଂସ୍କରଣରେ ନଜର ଆସିଥିଲେ ।
ରାଜେଶଙ୍କ କହିବା ଅନୁଯାୟୀ 2011 ମସିହାରେ ଅମିତାଭଙ୍କ ବଙ୍ଗଳାରେ ତାଙ୍କୁ ଭେଟିବାକୁ ସୁଯୋଗ ମିଳିଥିଲା । ଅମିତାଭଙ୍କୁ ରାଜେଶ ବିଭିନ୍ନ ସୋସିଆଲ ମିଡ଼ିଆ ଓ ବ୍ଲଗରେ ଫଲୋ କରିଥାନ୍ତି । ଏହା ସହିତ ସେ ଅମିତାଭଙ୍କୁ ଅନେକ ଫଟୋଚିତ୍ର ମଧ୍ୟ ଉପହାର ସ୍ବରୂପ ଦେଇସାରିଛନ୍ତି । ତେବେ ଏହି ଉପହାର ମଧ୍ୟ ଅମିତାଭ ବେଶ ଖୁସିର ସହ ଗ୍ରହଣ କରିଥିବା ରାଜେଶ କହିଛନ୍ତି ।
ସେ ଅମିତାଭଙ୍କ ଜନ୍ମଦିନ ପାଳନ ପାଇଁ ହଜାର ହଜାର ମାଇଲ ଅତିକ୍ରମ କରି ତାଙ୍କ ନିକଟକୁ ଯାଇଥାନ୍ତି ବୋଲି ସେ କହିଛନ୍ତି । ସେହିପରି ରାଜେଶଙ୍କୁ ଭଲ ଭାବେ ଜାଣନ୍ତି ଅମିତାଭ ବଚ୍ଚନ । ରାଜେଶଙ୍କ କମେଣ୍ଟରେ ନିଜର ମତାମତ ରଖିଥାନ୍ତି ବିଗ-ବି।
ତେବେ ଏହା ସହିତ ସେ ନିଜର ପରିଶ୍ରମ ମଧ୍ୟ ଜାରି ରଖିଥିବା କହିଛନ୍ତି ରାଜେଶ । କହିଛନ୍ତି ପରିଶ୍ରମ କରି ମୁଁ କେବିସିକୁ ଯାଇଥାଏ । କେବଳ ଅମିତାଭଙ୍କୁ ଭେଟିବା ପାଇଁ ଯାଇଥାନ୍ତି ବୋଲି ସେ କହିଛନ୍ତି।
