ରାଜସ୍ଥାନ ରାଜନୀତି ରଣ : ଗେହଲଟ ବନାମ ପାଇଲଟ

Published : Jul 16, 2020, 7:06 AM IST

Updated : Jul 16, 2020, 1:52 PM IST

13:51 July 16

ହାଇକୋର୍ଟ ଗଲେ ସଚିନ

ରାଜସ୍ଥାନ ହାଇକୋର୍ଟରେ ସଚିନ ପାଇଲଟଙ୍କ ଯାଚିକା
ବିଧାନସଭା ବାଚସ୍ପତି ଦେଇଥିବା ନୋଟିସ ବିରୋଧରେ ଯାଚିକା ଦାଖଲ କରିଥିବା ସୂଚନା
3ଟାରେ ହୋଇପାରେ ଶୁଣାଣି
ଅନଲାଇନ ମାଧ୍ୟମରେ ଯାଚିକା ଦାଖଲ କରିଥିବା ସୂଚନା
ସମସ୍ତ 19 ବିଧାୟକଙ୍କ ପକ୍ଷରୁ ଯାଚିକା ଦାଖଲ

12:31 July 16

କେନ୍ଦ୍ରମନ୍ତ୍ରୀ ଗଜେନ୍ଦ୍ର ସିଂ ଶେଖାୱତଙ୍କ ଟ୍ବିଟ୍‌

କ୍ଷମତା ଯୁଦ୍ଧ ମଧ୍ୟରେ କେନ୍ଦ୍ରମନ୍ତ୍ରୀ ଗଜେନ୍ଦ୍ର ସିଂ ଶେଖାୱତ ଟ୍ବିଟ୍‌
ଅଟୋ ପାଇଲଟ ବନାମ ଫାଇଟର ପାଇଲଟ ବୋଲି ଟ୍ବିଟ୍‌ କଲେ ଶେଖାୱତ

12:26 July 16

କ୍ଷମତା ଲଢେଇ ମଧ୍ୟରେ ଆୟକର ଚଢାଉ

ରାଜସ୍ଥାନରେ କ୍ଷମତା ଲଢେଇ ମଧ୍ୟରେ ଆୟକର ବିଭାଗର ଚଢାଉ
ବର୍ତ୍ତମାନ ସୁଦ୍ଧା 2କୋଟି 20 ଲକ୍ଷ ଟଙ୍କା ଜବତ
ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ସମ୍ପର୍କୀୟଙ୍କ ଉପରେ ଚଢାଉ
ଜୟପୁର, ଦିଲ୍ଲୀ ଓ ମୁମ୍ବାଇରେ ବି ଚଢାଉ

07:15 July 16

ବାଚସ୍ପତିଙ୍କ ନୋଟିସ ବିରୋଧରେ କୋର୍ଟ ଯାଇପାରନ୍ତି ସଚିନ କ୍ୟାମ୍ପ

ଆଜି ବାଚସ୍ପତିଙ୍କ ନୋଟିସ ବିରୋଧରେ କୋର୍ଟର ଦ୍ବାରସ୍ଥ ହୋଇପାରନ୍ତି ସଚିନଙ୍କ କ୍ୟାମ୍ପ
ଗତକାଲି ସଚିନଙ୍କ ସମେତ 19 ବିଧାୟକଙ୍କୁ ନୋଟିସ ପଠାଇଥିଲେ ବାଚସ୍ପତି
କଂଗ୍ରେସ ବିଧାୟକ ଦଳ ବୈଠକରେ ଯୋଗନଦେଇଥିବାରୁ ନୋଟିସ ପଠାଇଥିଲେ ବାଚସ୍ପତି

06:23 July 16

ଗେହଲଟ ବନାମ ପାଇଲଟ

ଜୟପୁର: ରାଜସ୍ଥାନ ରାଜନୀତି ରଣରେ ଦିନକୁ ଦିନ ଦେଖିବାକୁ ମିଳୁଛି ନୂଆ ଅସ୍ତ୍ର । କଂଗ୍ରେସ ବିଧାୟକ ଦଳ ବୈଠକରେ ଯୋଗଦେଇନଥିବାରୁ ସଚିନ ପାଇଲଟଙ୍କ ସମେତ 19 ବିଧାୟକଙ୍କୁ ବାଚସ୍ପତି ନୋଟିସ ପଠାଇଛନ୍ତି । ସେପଟେ ବିଜେପିରେ ଯୋଗଦେବାକୁ ଆଗ୍ରହ୍ୟ କରି ବିଜେପିରେ ଯୋଗଦେବା ଚର୍ଚ୍ଚାକୁ ଚର୍ଚ୍ଚାରେ ରଖିଛନ୍ତି ସଚିନ ।

ବିଜେପି କେବଳ ନିରବ ଦ୍ରଷ୍ଟା ସାଜି ଗେହଲଟ ଓ ପାଇଲଟଙ୍କ କ୍ଷମତା ଯୁଦ୍ଧକୁ ତର୍ଜମା କରୁଥିବା ଚର୍ଚ୍ଚା ହେଉଛି । ସଚିନ ବି କୌଣସି କାର୍ଡ ନଖେଳି ଉଭୟ କଂଗ୍ରେସ ଓ ବିଜେପିକୁ ଦ୍ବନ୍ଦ୍ବରେ ରଖିଛନ୍ତି । ଏପରି ସ୍ଥିତିରେ ସଚିନଙ୍କ ପରବର୍ତ୍ତୀ ନିଷ୍ପତ୍ତିକୁ ଉଭୟ ଦଳ ନଜର ରଖିଥିବାବେଳେ ଆଜି ବିଜେପି ବିଧାୟକ ଦଳ ବୈଠକ ବସିବାକୁ ଯାଉଛି । ଯେଉଁଥିରେ ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ସିନ୍ଧିଆ ଯୋଗଦେବେ ବୋଲି କୁହାଯାଉଛି ।

ସଚିନଙ୍କୁ ମନାଇବା ପାଇଁ କଂଗ୍ରେସ ବି ଚେଷ୍ଟା ଜାରି ରଖିଛି । ସଚିନ ଦଳର ସଦସ୍ୟ ଅଛନ୍ତି । ତାଙ୍କ ପାଇଁ କଂଗ୍ରେ୍ସ ଦ୍ବାର ସବୁବେଳେ ଖୋଲାଥିବା କଂଗ୍ରେସ ନେତା ରାହୁଲ ଗାନ୍ଧି କହିଛନ୍ତି । ସେପଟେ ସଚିନଙ୍କୁ ମନାଇବା ପାଇଁ ଆଜି ପୁଣି ରାଜ୍ୟରେ କଂଗ୍ରେସର ବୈଠକ ବସିବ ବୋଲି ଶୁଣିବାକୁ ମିଳିଛି । ଯେଉଁଥିରେ କେନ୍ଦ୍ରୀୟ ପ୍ରତିନିଧି ଦଳ ଯୋଗଦେବେ ବୋଲି କୁହାଯାଇଛି ।

ସୂଚନାଥାଉକି, କଂଗ୍ରେସରେ ଦେଖାଦେଇଥିବା ଏହି କ୍ଷମତା ଯୁଦ୍ଧ ଭିତରେ ସଚିନଙ୍କୁ ଉପମୁଖ୍ୟମନ୍ତ୍ରୀ ଓ ପିସିସି ସଭାପତି ପଦରୁ ହଟାଇ ଦିଆଯାଇଛି । ତାଙ୍କ ସହିତ ଆଉ ଦୁଇମନ୍ତ୍ରୀ ରମେଶ ମୀନା ଓ ବିଶ୍ବେନ୍ଦ୍ର ସିଂହଙ୍କୁ ମଧ୍ୟ ଦଳ ମନ୍ତ୍ରୀପଦରୁ ହଟାଇଛି । ଫଳରେ ସଚିନ କଂଗ୍ରେସରେ ରହିବେ କି କଂଗ୍ରେସ ଛାଡି ବିଜେପିରେ ଯୋଗଦେବେ କିମ୍ବା ଅନ୍ୟ ଦଳ ଗଢିବେ ସେନେଇ ରାଜସ୍ଥାନ ରାଜନୀତିରେ ଉତ୍ସୁକତା ପ୍ରକାଶ ପାଇଛି ।

13:51 July 16

ହାଇକୋର୍ଟ ଗଲେ ସଚିନ