ପାଟନା: ଲୋକସଭା ନିର୍ବାଚନ ପାଇଁ ଗୁରୁବାର ପ୍ରଚାର ସରିଥିବା ବେଳେ ରାହୁଲ ଗାନ୍ଧୀ ବିହାରର ପାଟନା ସାହିବର କଂଗ୍ରେସ ପ୍ରାର୍ଥୀ ଶତ୍ରୁଘ୍ନ ସିହ୍ନାଙ୍କ ପାଇଁ ରୋଡଶୋ’ କରିଛନ୍ତି ।
କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଏହି ରୋଡଶୋ’ ରାଜେନ୍ଦ୍ର ନଗରର ମୋହିନୁଲ ହକ ଷ୍ଟାଡିୟମରୁ ଆରମ୍ଭ ହୋଇ ନାଲା ରୋଡର ଟି ପଏଣ୍ଟରେ ସରିଛି । ରାହୁଲଙ୍କ ରୋଡଶୋରେ ଶତ୍ରୁଘ୍ନ ସିହ୍ନାଙ୍କ ସ୍ତ୍ରୀ ପୁନମ ସିହ୍ନା, ଆରଜେଡି ନେତା ତେଜସ୍ବୀ ଯାଦବ ସମେତ ମହାମେଣ୍ଟର ବହୁ ନେତା ଉପସ୍ଥିତ ଥିଲେ । ଏଥିସହିତ ରାହୁଲ ପାଟଳୀପୁତ୍ରର ମହାମେଣ୍ଟ ପ୍ରାର୍ଥୀ ମୀସା ଭାରତୀଙ୍କ ପାଇଁ ମଧ୍ୟ ପ୍ରଚାର କରିଛନ୍ତି ।
ପ୍ରଚାରରେ ରାହୁଲ ମୋଦିଙ୍କୁ ଟାର୍ଗେଟ କରିବା ସହ ପ୍ରଧାନମନ୍ତ୍ରୀ ଦେଇଥିବା ସମସ୍ତ ପ୍ରତୁଶୃତି ପୂରା କରିବାରେ ବିଫଳ ହୋଇଛନ୍ତି ବୋଲି କହିଛନ୍ତି । ଏଥିସହ କଂଗ୍ରେସ ସରକାରକୁ ଆସିଲେ ଦୁଇଟି ବଜେଟ ହୋଟିଏ ସାଧାରଣ ବଜେଟ ଓ ଅନ୍ୟଟି କୃଷକ ବଜେଟ ହେବ ବୋଲି କହିଛନ୍ତି ।
