ନୂଆଦିଲ୍ଲୀ: ମଧ୍ୟପ୍ରଦେଶରେ ରାଜନୈତିକ ସଙ୍କଟ ମଧ୍ୟରେ ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରିଛନ୍ତି କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ । କଂଗ୍ରେସର ନିର୍ବାଚିତ ସରକାରକୁ ଅସ୍ଥିର କରୁଥିବା ନେଇ ପ୍ରଧାନମନ୍ତ୍ରୀଙ୍କ ଉପରେ ଅଭିଯୋଗ ଆଣିଛନ୍ତି ରାହୁଲ ।
ରାହୁଲ ଗାନ୍ଧୀ ପ୍ରଧାନମନ୍ତ୍ରୀ କାର୍ଯ୍ୟାଳୟକୁ ଟ୍ବିଟ କରି କହିଛନ୍ତି ଯେ, ‘ହାଏ ପିଏଏମଓ, ଯେତେବେଳେ ଆପଣ ଗୋଟିଏ ନିର୍ବାଚିତ କଂଗ୍ରେସ ସରକାରକୁ ଅସ୍ଥିର କରିବାରେ ବ୍ୟସ୍ତ ଅଛନ୍ତି, ସେହି ସମୟରେ ତୈଳ ଦରରେ 35 ପ୍ରତିଶତ ହ୍ରାସ ପରିଲକ୍ଷିତ ହୋଇଛି ଏବଂ ଆପଣ ଏହାକୁ ଅଣଦେଖା କରିଦେଇଛନ୍ତି । ଏହି ଅଶୌଧିତ ତୈଳ ଦର ହ୍ରାସର ଫାଇଦା ଭାରତୀୟଙ୍କୁ ଦେବା ସହ ପେଟ୍ରୋଲ ମୂଲ୍ୟ 60 ଟଙ୍କାରୁ କମ ହେବ କି ନାହିଁ’ ବୋଲି ରାହୁଲ ପ୍ରଶ୍ନ କରିଛନ୍ତି ।
ମଙ୍ଗଳବାର ରାହୁଲ ଗାନ୍ଧୀଙ୍କ ନିକଟତର ଜ୍ୟୋତିରାଦିତ୍ୟ ସିନ୍ଧିଆ କଂଗ୍ରେସରୁ ଇସ୍ତଫା ଦେଇଥିଲେ । ଏହାସହ 22 ଜଣ ବିଧାୟକ ମଧ୍ୟ କଂଗ୍ରେସ ଛାଡିଥିଲେ । ଏପରି ସ୍ଥିତିରେ ମଧ୍ୟ ପ୍ରଦେଶରେ କମଲନାଥ ସରକାରଙ୍କ ସଙ୍କଟର କଳା ବାଦଲ ଛାଇଯାଇଛି ।
@ANI
