ପାଟନା: ବିହାର ରାଜନୀତି ସହ ଜଡିତ ଏକ ବଡ ଖବର ସାମ୍ନାକୁ ଆସିଛି । ରାଷ୍ଟ୍ରୀୟ ଜନତା ଦଳ ଉପରେ ନାରାଜ ଥିବା ପ୍ରଭାବଶାଳୀ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ରଘୁବଂଶ ପ୍ରସାଦ ସିଂହ ଅଚାନକ ଅସୁସ୍ଥ ହୋଇପଡିଛନ୍ତି । ସ୍ବାସ୍ଥ୍ୟବସ୍ଥା ଗୁରୁତର ଥିବାରୁ ରଘୁବଂଶଙ୍କୁ ଦିଲ୍ଲୀ ଏମ୍ସର ଆଇସିୟୁରେ ଭର୍ତ୍ତି କରାଯାଇଛି ।
ରଘୁବଂଶଙ୍କ ଅସୁସ୍ଥତାକୁ ନେଇ ଆରଜେଡି ମୁଖିଆ ଲାଲୁପ୍ରସାଦ ଯାଦବ ଚିନ୍ତିତ ଥିବା ଜଣାପଡିଛି । ପୂର୍ବରୁ ପାଟନା ଏମ୍ସରେ ରଘୁବଂଶଙ୍କ ଚିକିତ୍ସା ଚାଲିଥିଲା । ସେଠାରୁ ସେ ସୁସ୍ଥ ହୋଇ ଡିସଚାର୍ଜ ହୋଇଥିଲେ ।
ରଘୁବଂଶଙ୍କୁ ନେଇ ବିହାରର ରାଜନୀତିରେ ଝଡ ସୃଷ୍ଟି ହୋଇଥିଲା । ସେ ଦଳର ଉପାଧ୍ୟକ୍ଷ ପଦରୁ ଇସ୍ତଫା ମଧ୍ୟ ଦେଇଥିଲେ । ତେବେ ଅସୁସ୍ଥତା ମଧ୍ୟରେ ବି ରଘୁବଂଶ ନାରାଜ ଥିବା ଜଣାପଡିଛି ।
