ଅମୃତସର: ପଞ୍ଜାବର ଲୁଧିଆନା ଗଣଦୁଷ୍କର୍ମ ମାମଲାରେ 4 ଜଣ ଅଭିଯୁକ୍ତ ଗିରଫ ହୋଇଛନ୍ତି । 5 ଜଣ ଅଭିଯୁକ୍ତଙ୍କ ମଧ୍ୟରୁ ପୋଲିସ 4 ଜଣଙ୍କୁ ଗିରଫ କରିଥିବା ସୂଚନା ମିଳିଛି । ଡିସେମ୍ବର 18 ତାରିଖରେ ଗଣଦୁଷ୍କର୍ମ ହୋଇଥିବାବେଳେ ଗତକାଲି(ରବିବାର) ପୋଲିସ 4 ଜଣଙ୍କୁ ଧରିବାରେ ସକ୍ଷମ ହୋଇଛି ।
ଗଣଦୁଷ୍କର୍ମ ନେଇ ଥାନାରେ 5 ଜଣଙ୍କ ନାମରେ ମାମଲା ରୁଜୁ ହୋଇଥିବାବେଳେ 4 ଜଣଙ୍କୁ ଗିରଫ କରାଯାଇଥିବା ଲୁଧିଆନା ଡିଏସପି ଗୁରୁବଂଶ ସିଂହ କହିଛନ୍ତି । ଗିରଫ ପରେ ଅଭିଯୁକ୍ତ ମାନଙ୍କୁ ମେଡିକାଲକୁ ପଠାଯାଇଥିବାବେଳେ ଅଧିକ ତଦନ୍ତ ଚାଲିଥିବା ସେ କହିଛନ୍ତି ।
ପୋଲିସ ସୂଚନା ଅନୁସାରେ, ପୀଡିତା ଜଣଙ୍କ ବାହାଘର ଉତ୍ସବରେ ଯୋଗଦେବାକୁ ଯାଇଥିବାବେଳେ ଗଣଦୁଷ୍କର୍ମର ଶିକାର ହୋଇଥିଲେ । ପାଞ୍ଚ ଜଣ ଯୁବକ ତାଙ୍କୁ ଗଣଦୁଷ୍କର୍ମ କରିଥିଲେ । ତେବେ ଅଭିଯୋଗ ପାଇବା ପରେ ପୋଲିସ ପକ୍ଷରୁ ତଦନ୍ତ ଆରମ୍ଭ କରାଯିବା ସହ 4 ଜଣଙ୍କୁ ଗିରଫ କରାଯାଇଛି ।
ସେପଟେ ପୀଡିତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଏହାସହ ତାଙ୍କର ବୟାନ ମଧ୍ୟ ରେକର୍ଡ କରାଯାଇଛି ।
@ANI
