ନୂଆଦିଲ୍ଲୀ: ବିଜେପିରେ ଯୋଗ ଦେଇଛନ୍ତି ଲୋକପ୍ରିୟ ପଞ୍ଜାବୀ ଗାୟକ ଦଲେର ମେହନ୍ଦୀ । ଶୁକ୍ରବାର ଦିଲ୍ଲୀ ବିଜେପି ଅଧ୍ୟକ୍ଷ ମନୋଜ ତିୱାରୀ ଓ କେନ୍ଦ୍ରମନ୍ତ୍ରୀ ଡ. ହର୍ଷବର୍ଦ୍ଧନଙ୍କ ଉପସ୍ଥିତିରେ ସେ ଦଳରେ ସାମିଲ ହୋଇଛନ୍ତି । ଏହାପୂର୍ବରୁ ପଞ୍ଜାବୀ ଗାୟକ ହଂସରାଜ ହଂସ ମଧ୍ୟ ବିଜେପିରେ ସାମିଲ ହୋଇଥିଲେ । ତାଙ୍କୁ ଦଳ ଦିଲ୍ଲୀର ଉତ୍ତର-ପଶ୍ଚିମ ଲୋକସଭା ଆସନରୁ ଟିକେଟ ଦେଇଛି ।
ବିଗତ ଦିନରେ ଅଭିନେତା ସନି ଦେଓଲ ମଧ୍ୟ ବିଜେପିରେ ଯୋଗ ଦେଇଥିଲେ । ତାଙ୍କୁ ପଞ୍ଜାବର ଗୁରୁଦାସପୁର ଆସନରୁ ଟିକେଟ ମିଳିଛି । ଦଲେରଙ୍କୁ ମଧ୍ୟ ପଞ୍ଜାବର କୌଣସି ଲୋକସଭା ଆସନରୁ ବିଜେପି ଟିକେଟ ଦେଇପାରେ ।
ଦଲେର ମେହନ୍ଦୀ ଓ ତାଙ୍କ ଭାଇ ଶମଶେର ସିଂଙ୍କ ବିରୁଦ୍ଧରେ ମାନବ ଚାଲାଣ ମାମଲାରେ ୨ ବର୍ଷ ଜେଲଦଣ୍ଡ ମିଳିଛି । ଦୁଇ ଭାଇ ବିଦେଶକୁ ମାନବ ଚାଲାଣ କରିବା ଅଭିଯୋଗରେ ଦୋଷୀ ସାବ୍ୟସ୍ତ ହୋଇଛନ୍ତି । ବର୍ତ୍ତମାନ ଦଲେରଙ୍କୁ ଏହି ମାମଲାରେ ମିଳିଛି ଜାମିନ ।
