ଚଣ୍ଡୀଗଡ: ଦେଶରେ କୋରୋନା ସଂକ୍ରମଣ ବଢିବାରେ ଲାଗିଛି । ଏପଟେ ପଞ୍ଜାବ ସ୍ବାସ୍ଥ୍ୟମନ୍ତ୍ରୀ ବଲବୀର ସିଦ୍ଧୁ କହିଛନ୍ତି ଯେ ଯଦି କୋରୋନା ସ୍ଥିତି ନସୁଧୁରିବ ତେବେ ରାଜ୍ୟରେ ପୁଣି ଲକଡାଉନ୍ ଲାଗୁ କରିବାକୁ ପଡିବ । ଏଥିସହିତ କୋରୋନା ବିସ୍ତାର ପାଇଁ ସ୍ବାସ୍ଥ୍ୟମନ୍ତ୍ରୀ ଦିଲ୍ଲୀକୁ ଦାୟୀ କରିଛନ୍ତି।
ପଞ୍ଜାବ ସରକାରରଙ୍କ ସ୍ବାସ୍ଥ୍ୟମନ୍ତ୍ରୀ ବଲବୀର ସିଦ୍ଧୁ ଦିଲ୍ଲୀକୁ କୋରୋନା ବିସ୍ତାର ପାଇଁ ଦାୟୀ କରିଛନ୍ତି । ସେ କହିଛନ୍ତି ଯେ ଦିଲ୍ଲୀ ଯୋଗୁଁ ହରିୟାଣାରେ କୋରୋନା ସ୍ଥିତି ନିୟନ୍ତ୍ରଣ କରାଯାଇ ପାରୁନି ଓ ଦିଲ୍ଲୀ ଏହାର ପରିସ୍ଥିତିକୁ ସମ୍ଭାଳିବାରେ ଅସମର୍ଥ ।
ସେ ପୁଣି କହିଛନ୍ତି, ଯଦି ଆବଶ୍ୟକ ହୁଏ ତେବେ ଦିଲ୍ଲୀରୁ ପଞ୍ଜାବକୁ ଆସୁଥିବା ଯାନବାହନ ଚଳାଚଳ ବନ୍ଦ କରାଯିବ ଓ ଦିଲ୍ଲୀକୁ ପଞ୍ଜାବ ସହ ସଂଯୋଗ କରୁଥିବା ହରିୟାଣାର ସୀମା ମଧ୍ୟ ସିଲ୍ କରାଯିବ। ପଞ୍ଜାବ ସରକାରଙ୍କ ମୁଖପାତ୍ର ରାଜକୁମାର ୱେର୍କା ଆଖପାଖ ରାଜ୍ୟଗୁଡିକର କୋରୋନା ପରିସ୍ଥିତି ପାଇଁ ଦିଲ୍ଲୀକୁ ଦାୟୀ କରି ଦିଲ୍ଲୀ ମଡେଲକୁ ସମ୍ପୂର୍ଣ୍ଣ ଅସଫଳ ବୋଲି କହିଛନ୍ତି ।
ପଞ୍ଜାବରେ ମୋଟ କୋରୋନା ରୋଗୀ 4627, ଏଥିମଧ୍ୟରୁ 113 ଜଣଙ୍କର ମୃତ୍ୟୁ ହୋଇଛି। ବର୍ତ୍ତମାନ ରାଜ୍ୟରେ ଆକ୍ଟିଭ୍ ମାମଲା 1415 ରହିଛି । ଏଥି ସହିତ, ହରିୟାଣାର ମୋଟ ମାମଲା 12 ହଜାର 10, ଯେଉଁଥିରେ 188 ଜଣଙ୍କର ମୃତ୍ୟୁ ଘଟିଛି ଓ 4897 ଟି ଆକ୍ଟିଭ୍ ମାମଲା ରହିଛି। ଏଥି ସହିତ ଦିଲ୍ଲୀର ମୋଟ ରୋଗୀଙ୍କ ସଂଖ୍ୟା 70 ହଜାରରୁ ଅଧିକ ।
