ଚଣ୍ଡୀଗଡ: ପଞ୍ଜାବ ସରକାର ଧାର୍ମିକ ସ୍ଥଳରେ ଲଙ୍ଗର, ପ୍ରସାଦ ବଣ୍ଟନ ପାଇଁ ଅନୁମତି ଦେଇଛନ୍ତି । ପୂର୍ବ ନିର୍ଦ୍ଦେଶାବଳୀ ଅନୁଯାୟୀ ଧାର୍ମିକ ସ୍ଥାନରେ ପ୍ରସାଦ, ଖାଦ୍ୟ ବଣ୍ଟନ ଓ ଲଙ୍ଗର ସେବନ ନିଷେଧ କରାଯାଇଥିଲା । ବର୍ତ୍ତମାନ ଧାର୍ମିକ ସ୍ଥାନଗୁଡିକରେ ଲଙ୍ଗର ଓ ପ୍ରସାଦ ସେବନକୁ ଅନୁମତି ଦେବା ପାଇଁ ନିଷ୍ପତ୍ତି ନିଆଯାଇଛି । ଖାଦ୍ୟ ପ୍ରସ୍ତୁତ ଓ ବଣ୍ଟନ କରିବା ସମୟରେ କୋଭିଡ ଗାଇଡଲାଇନ୍ ଅବଲମ୍ବନ କରାଯିବ ବୋଲି ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି ।
ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟର ଷ୍ଟାଣ୍ଡାର୍ଡ ଅପରେଟିଂ ପ୍ରଣାଳୀ (SOP)କୁ ଧାର୍ମିକ ଅନୁଷ୍ଠାନଗୁଡିକ ପାଳନ କରିବାକୁ ନିର୍ଦ୍ଦେଶ ଦିଆଯାଇଛି ।
