ମୁମ୍ବାଇ: କ୍ବାରେଣ୍ଟାଇନ କେନ୍ଦ୍ରରେ ଆତ୍ମହତ୍ୟା କଲେ କୋରୋନା ଆକ୍ରାନ୍ତ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ମହାରାଷ୍ଟ୍ରର ପୁଣେ ମୁନସିପାଲ କର୍ପୋରେସନର କନ୍ଧଓ୍ବାରେ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । କିଭଳି ପରିସ୍ଥିତିରେ ଆତ୍ମହତ୍ୟା କଲେ ସେନେଇ ଛାନଭିନ ଜାରି ରଖିଛି ପୋଲିସ।
ସୂଚନା ଅନୁସାରେ, ଜଣେ 60 ବୟସ୍କ ବ୍ୟକ୍ତି ଓ ତାଙ୍କ ପୁଅ କୋରୋନାରେ ଆକ୍ରାନ୍ତ ହୋଇ କନ୍ଧଓ୍ବା କ୍ବାରେଣ୍ଟାଇନ ସେଣ୍ଟରରେ ରହୁଥିଲେ । ହେଲେ ସୋମବାର ଦିନ ବୃଦ୍ଧ ଜଣକ କ୍ବାରେଣ୍ଟାଇନ କେନ୍ଦ୍ରରେ ଆତ୍ମହତ୍ୟା କରିଥିଲେ । ସେହିପରି ପୁଣେରେ ଏପରି ଏକ ସମାନ ଘଟଣା ମଧ୍ୟ ଦେଖିବାକୁ ମିଳିଛି । ନିଜ ପୁଅ ସହ କ୍ବାରେଣ୍ଟାଇନ ସେଣ୍ଟର ଥିବା ସମୟରେ ଜଣ ବୟସ୍କ ମଧ୍ୟ ଆତ୍ମହତ୍ୟା କରିଥିଲେ । ତେବେ,ମହାରାଷ୍ଟ୍ରରେ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ରାଜ୍ୟରେ କୋଭିଡ ମାମଲା 2,06,619 ରହିଥିବା ବେଳେ ମୃତ୍ୟୁ ସଂଖ୍ୟା 8822 ରହିଛି ।
ସୌଜନ୍ୟ @ ANI
