ଶ୍ରୀନଗର: ଜମ୍ମୁ-କାଶ୍ମୀର ପୁଲୱାମାରେ ମୁହାଁମୁହିଁ ସୁରକ୍ଷାକର୍ମୀ ଓ ଆତଙ୍କବାଦୀ । ବିଳମ୍ବିତ ରାତ୍ରୀରେ ଏହି ଗୁଳି ବିନିମୟ ଜାରି ରହିଛି । ପ୍ରାୟ 2ରୁ 3 ଜଣ ଆତଙ୍କବାଦୀଙ୍କୁ ଘେରାବନ୍ଦୀ କରି ରଖିଛନ୍ତି ସୁରକ୍ଷାକର୍ମୀ । ସମସ୍ତ ଆକଙ୍କୀ ଜୈସ-ଇ-ମହମ୍ମଦର ବୋଲି ଜଣାପଡିଛି । ଏନକାଉଣ୍ଟର ବେଳେ 4 ସୁରକ୍ଷାକର୍ମୀ ଶହୀଦ ହୋଇଥିବା ଖବର ମିଳିଛି ।
ଏବେ ସର୍ଚ୍ଚ ଅପରେସନ ଜାରି ରହିଛି । ସମ୍ପୃକ୍ତ ଅଞ୍ଚଳରେ ଇଣ୍ଟରନେଟ ସେବାକୁ ବନ୍ଦ କରିଦିଆଯାଇଛି । 55 ଆରଆର, ସିଆରପିଏଫ ଏବଂ ଏସଓଜି ପୁଲୱାମା ଅପରେସନରେ ସାମିଲ ହୋଇଛନ୍ତି ।
ଜଣେ ସାଧାରଣ ଲୋକର ମଧ୍ୟ ମୃତ୍ୟୁ ହୋଇଥିବା ସୂଚନା ରହିଛି ।
ପୁଲୱାମା ହମଲା ପରେ ଆତଙ୍କୀବାଦୀଙ୍କୁ ସଫା କରିବା ପାଇଁ ଅଣ୍ଟା ଭିଡିଛି ଭାରତୀୟ ସେନା । ସର୍ଚ୍ଚ ଅପରେସନକୁ ଜୋରଦାର କରାଯାଇଛି । ଆତଙ୍କୀ ହମଲାରେ 40ରୁ ଉର୍ଦ୍ଧ୍ବ ସୁରକ୍ଷାକର୍ମୀଙ୍କ ମୃତ୍ୟୁ ହେବା ପରେ ଆତଙ୍କୀଙ୍କୁ ଅଲଆଉଟ କରିବା ପାଇଁ ଲାଗିପଡିଛନ୍ତି ସୁରକ୍ଷାକର୍ମୀ ।
