ନୂଆଦିଲ୍ଲୀ: ଝିଅ ପାଇଁ ବାହାରିଲେ ମାଆ । ସେଲ୍ଫି ଫଟୋ ପାଇଁ ସ୍କୁଲରେ ସହପାଠୀଙ୍କ ମଜାକର ଶିକାର ହେବା ପରେ ଝିଅ ସପକ୍ଷରେ ବାହାରିଛନ୍ତି ମାଆ ସ୍ମୃତି ଇରାନୀ । ଯେଉଁମାନେ ତାଙ୍କ ଝିଅକୁ ପରିହାସ କରିଛନ୍ତି, ସେମାନଙ୍କ ପାଇଁ ଇନଷ୍ଟାଗ୍ରାମରେ ଏକ କଡା ପୋଷ୍ଟ ଲେଖିଛନ୍ତି କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ।
ସ୍ମୃତି ଲେଖିଛନ୍ତି, ମୁଁ ଗତକାଲି ମୋ ଝିଅର ଏକ ସେଲ୍ଫି ଡିଲିଟ୍ କରି ଦେଇଛି, କାରଣ ଏ.ଝା ନାମକ ଏକ ମୁର୍ଖ ପିଲା ତା ଲୁକ୍କୁ ନେଇ ପରିହାସ କରିଥିଲା । ଏହାକୁ ନେଇ ଝିଅ କାନ୍ଦିବା ପରେ ପୋଷ୍ଟଟିକୁ ଡିଲିଟ୍ କରିଦେଇଛନ୍ତି ସ୍ମୃତି ।
ସେ କହିଛନ୍ତି, ମୋ ଝିଅ ଏକ ଭଲ ଖେଳାଳି ସହ ଲିମକା ବୁକ୍ ରେକର୍ଡଧାରୀ ଅଟେ । କରାଟିରେ ଦୁଇ ଦୁଇ ଥର ବିଶ୍ବ ଚାମ୍ପିଅନସିପ୍ରେ କାଂସ୍ୟ ପଦକ ମିଳି ସାରିଛି । ତେବେ ବହୁବାର ଲୋକଙ୍କ ହକ୍ ପାଇଁ ଲଢିଛନ୍ତି ସ୍ମୃତି, ଏଥର କିନ୍ତୁ ନିଜ ଝିଅ ପାଇଁ ଆଗକୁ ଆସିଛନ୍ତି । ଯାହା ଚର୍ଚ୍ଚାର ବିଷୟ ପାଲଟିଛି ।
