ହାଇଦ୍ରାବାଦ: ଓଡିଶାର ପୂର୍ବତନ ରାଜ୍ୟପାଳ ତଥା ଉତ୍ତର-ପୂର୍ବ ରାଜ୍ୟ ନାଗାଲାଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଡ. ଏସସି ଜମିରଙ୍କୁ ଦେଶର ତୃତୀୟ ସର୍ବୋଚ୍ଚ ନାଗରିକ ସମ୍ମାନ ପଦ୍ମଭୂଷଣରେ ସମ୍ମାନିତ କରାଯାଇଛି । 71 ତମ ଗଣତନ୍ତ୍ର ଦିବସ ଅବସରରେ ତାଙ୍କୁ ଏହି ସମ୍ମାନ ପ୍ରଦାନ କରାଯାଇଛି । ଲୋକସମ୍ପର୍କ କ୍ଷେତ୍ରରେ ଡ. ଜମିରଙ୍କୁ ମିଳିଛି ଏହି ସମ୍ମାନ ।
ଡ.ଏସସି ଜମିର ଉତ୍ତର-ପୂର୍ବ ଭାରତର ଜଣେ ଜଣାଶୁଣା ଆଦିବାସୀ କଂଗ୍ରେସ ନେତା । ନାଗାଲାଣ୍ଡର ମୁଖ୍ୟମନ୍ତ୍ରୀ ଭାବେ 5 ଥର ଦାୟିତ୍ବ ନିର୍ବାହ କରିଛନ୍ତି । ସେ 1980ରୁ 1990 ମସିହା ଏହି ଦାୟିତ୍ବ ତୁଲାଇଥିଲେ । ପରେ ପୁଣି 1993ରୁ 2003 ପର୍ଯ୍ୟନ୍ତ ନାଗାରାଣ୍ଡର ମୁଖ୍ୟମନ୍ତ୍ରୀ ପଦରେ ଅବସ୍ଥାପିତ ହୋଇଥିଲେ । ଏହା ପରେ 2004ରୁ 2018 ମଧ୍ୟରେ ଓଡିଶା, ଗୁଜୁରାଟ, ମହାରାଷ୍ଟ୍ର ଓ ଗୋଆ ଆଦି ରାଜ୍ୟରେ ରାଜ୍ୟପାଳ ଭାବେ ମଧ୍ୟ ନିଜର ଦାୟିତ୍ବ ନିର୍ବାହ କରିଛନ୍ତି ଡ. ଜମିର ।
ବିରୋଧି ବିଜେପି ଓ କେନ୍ଦ୍ରରେ କ୍ଷମତାସୀନ ନରେନ୍ଦ୍ର ମୋଦିଙ୍କ ନେତୃତ୍ବାଧିନ ସରକାରଙ୍କ, ବିଭିନ୍ନ ଆଲୋଚନା କରି ଚର୍ଚ୍ଚାରେ ରହୁଥିବାବେଳେ, ତାଙ୍କୁ ପଦ୍ମ ଭୂଷଣ ସମ୍ମାନ ମିଳିବା ଏକ ଆଶ୍ଚର୍ଯ୍ୟ ।
