ନୂଆଦିଲ୍ଲୀ: ଅଜୟ କୁମାର ଲଲ୍ଲୁଙ୍କ ଜାମିନ ଦାବି କଲେ କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା । ସେ ହେଉଛନ୍ତି ଉତ୍ତରପ୍ରଦେଶ ୟୁନିଟର ସଭାପତି । ଏଥିସହ ସେ ଅଭିଯୋଗ କରିଛନ୍ତି ଯେ ଲୋକଙ୍କ ସେବା ପାଇଁ ତାଙ୍କୁ ଜେଲରେ ରଖାଯାଇଛି ।
ପ୍ରିୟଙ୍କା ଗାନ୍ଧୀ ଟ୍ବିଟ୍ କରି କହିଛନ୍ତି, ଗାନ୍ଧିଜୀ ଆମକୁ ଶିଖାଇଥିଲେ ଯେ ଦମନ କରୁଥିବା ଲୋକ ଆମକୁ ଭଲ କାମ କରିବାରେ ବାଧା ସୃଷ୍ଟି କରିବେ । ଏଣୁ ଆପଣ ସତର ସହ ଅଡି ରହିବେ ।ଏଥିସହ ସେ ଅଭିଯୋଗ କରିଛନ୍ତି, ଉତ୍ତରପ୍ରଦେଶରେ କଂଗ୍ରେସ ସଭାପତି ଅଜୟ ଜୀ ଲୋକଙ୍କ ସେବା କରିଥିବା କାରଣରୁ ତାଙ୍କୁ ଜେଲ ପଠାଯାଇଛି । ସେବା ସତ୍ୟାଗ୍ରହ ମାଧ୍ୟମରେ ଆମେ ଏହି ଦମନକୁ ବିରୋଧ କରୁଛୁ ବୋଲି ପ୍ରିୟଙ୍କା କହିଛନ୍ତି ।
ସେହିପରି ଗତ ଶନିବାର କଂଗ୍ରେସର ଅନ୍ୟ ନେତାମାନେ ମଧ୍ୟ ସେବା ସତ୍ୟାଗ୍ରହ ଅଭିଯାନର ଏକ ଅଂଶ ଭାବରେ ସୋସିଆଲ ମିଡିଆ ପ୍ଲାଟଫର୍ମ ମାଧ୍ୟମରେ ଲଲ୍ଲୁଙ୍କୁ ଜାମିନ ଦେବାପାଇଁ ଦାବି କରିଥିଲେ । ଦଳର ମୁଖ୍ୟ ମୁଖପାତ୍ର ରଣଦୀପ ସୁରଜେୱାଲା ଟ୍ୱିଟ୍ କରି କହିଛନ୍ତି, କଣ ଜନସେବା କରିବା ପାପ ? କଣ ଶ୍ରମିକଙ୍କ ସହ ଠିଆ ହେବା ଅପରାଧ ? କଣ ଶ୍ରମିକଙ୍କୁ ଘରେ ଛାଡିବା ପାପ ଅଟେ ? ଯଦି ନୁହେଁ ତେବେ ଅଜୟଙ୍କୁ ଏକଛତ୍ରବାଦୀ ବିଜେପି ସରକାରଙ୍କ ଦ୍ବାରା ଜେଲ କଣ ପାଇଁ ପଠାଗଲା । ତାଙ୍କୁ ତୁରନ୍ତ ଛଡାଯାଉ ।
ପ୍ରକାଶ ଥାଉକି, ଲକଡାଉନ ସମୟରେ ଉତ୍ତରପ୍ରଦେଶ କଂଗ୍ରେସ କମିଟି ସଭାପତି ଲଲ୍ଲୁଙ୍କୁ ବସ ମାମଲାରେ ଗିରଫ କରାଯାଇଛି। ସେ ବର୍ତ୍ତମାନ ନ୍ୟାୟିକ ହେପାଜତରେ ଅଛନ୍ତି ଏବଂ କଂଗ୍ରେସ ଦଳ ତାଙ୍କୁ ମୁକ୍ତ କରିବାକୁ ଦାବି କରୁଛି।
