ନୂଆଦିଲ୍ଲୀ: ପ୍ରେସ୍ ଇନଫରମେସନ ବ୍ୟୁରୋର ପ୍ରିନ୍ସିପାଲ୍ ଡାଇରେକ୍ଟର ଜେନେରାଲ୍ କେଏସ୍ ଧତୱାଲିଆଙ୍କୁ କୋରୋନା । ତେବେ ଏନେଇ ସୋମବାର ଏକ ରିପୋର୍ଟ ପ୍ରକାଶ ପାଇଛି । ତାଙ୍କୁ ଦିଲ୍ଲୀ ସ୍ଥିତ ଏମ୍ସରେ ଭର୍ତ୍ତି କରାଯାଇଛି । ଖବର ଅନୁଯାୟୀ, ସନ୍ଧ୍ୟା 7 ଟାରେ ତାଙ୍କୁ ଏମ୍ସର ଟ୍ରମା ସେଣ୍ଟରରେ ଭର୍ତ୍ତି କରାଯାଇଥିଲା ।
ତେବେ ଧତୱାଲିଆ କୋରୋନା ପଜିଟିଭ ଚିହ୍ନଟ ହେବା ପରେ ସରକାରୀ ସ୍ଥରରେ ଚିନ୍ତା ଅଧିକ ବଢିଯାଇଛି । କାରଣ ଗତ ବୁଧବାର ସେ କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂ ତୋମାର ଏବଂ ପ୍ରକାଶ ଜାଭଡେକରଙ୍କ ମିଶିଥିଲେ । କ୍ୟାବିନେଟ ନିଷ୍ପତ୍ତିକୁ ନେଇ ହୋଇଥିବା ସାମ୍ବାଦିକ ସମ୍ମୀଳନିରେ ସେ ଦୁଇ କେନ୍ଦ୍ରମନ୍ତ୍ରୀଙ୍କ ସଂସ୍ପର୍ଶରେ ଆସିଥିଲେ । ଅନ୍ୟପଟେ ଧତୱାଲିଆଙ୍କ ସ୍ବାସ୍ଥ୍ୟବାସ୍ଥା ନେଇ ଏପର୍ଯ୍ୟନ୍ତ କୌଣସି ସରକାରୀ ସୂଚନା ଦିଆଯାଇ ନାହିଁ ।
ତେବେ ଜାତୀୟ ଗଣମାଧ୍ୟମ କେନ୍ଦ୍ରରେ ଥିବା ତାଙ୍କ ଅଫିସକୁ ବନ୍ଦ କରି ଦିଆଯାଇଛି । ଆସନ୍ତାକାଲି ସମୂର୍ଣ୍ଣ ବିଲ୍ଡିଂ ସାଇନିଟାଇଜ ହେବା ପରେ ଅଫିସ ଖୋଲିବ ବୋଲି ପିଆଇବିର ଜଣେ ଅଧିକାରୀ ସୂଚନା ଦେଇଛନ୍ତି ।
@pti
